ស្ត្រីម្នាក់ពុំត្រឹមតែរងការឈឺចុកចាប់ និងទុក្ខវេទនាស្ទើរស្លាប់នោះទេ គឺថែមទាំងត្រូវបានបណ្តេញចេញពីការងារទៀតផង បន្ទាប់ពីក្រុមហ៊ុនរបស់នាងបានបង្ខំឲ្យហូបអាហារហិរខ្លាំងបំផុត ដែលជាការដាក់ទណ្ឌកម្ម ដោយសារនាងខកខានមិនបានបំពេញតាមកូតារបស់នាងដែលពួកគេចោទថានាងមិន “អនុលោមតាមវប្បធម៌សាជីវកម្ម” របស់ពួកគេទេ។
ស្ត្រីម្នាក់ស្ថិតក្នុងចំណោមនិយោជិក ៧ នាក់ នៅក្រុមហ៊ុនមួយក្នុងទីក្រុងស៊ីឈួន នៃឆេងឌូ ដែលត្រូវបានបង្ខំឱ្យញ៉ាំអាហារហិរខ្លាំងបំផុត ព្រោះទាំងនោះមិនបានបំពេញតាមកូតារបស់ពួកគេ។ អាហារសម្រន់នេះមានឈ្មោះថា “ដំបងហឹរផ្តាច់សង្ខា” (辣辣条) ។
បន្ទាប់ពីញ៉ាំអាហារសម្រន់នោះរួច ពួកគេពីរនាក់ត្រូវបានបញ្ជូនទៅមន្ទីរពេទ្យ។ ស្ត្រីម្នាក់បាននិយាយថា នាងពិតជាឈឺចុកចាប់ខ្លាំងណាស់ ដែលរហូតដួលសន្លប់ ហើយត្រូវយកចេញពីការិយាល័យ។ អ្វីដែលធ្វើឱ្យវាកាន់តែអាក្រក់នោះ គឺថានាងទើបតែចាប់ផ្តើមមានរដូវទៀតផង។
នៅមន្ទីរពេទ្យ គ្រូពេទ្យធ្វើរោគវិនិច្ឆ័យឃើញថា នាងមានការរមួលក្រពើ និងរលាកក្រពះធ្ងន់ធ្ងរ។
បន្ទាប់ពីការឈឺចាប់ និងទុក្ខវេទនាទាំងអស់នេះ ស្ត្រីរងគ្រោះក៏ក្រុមហ៊ុនបានបដិសេធមិនផ្តល់សំណងដល់គាត់នោះទេ ហើយគ្រាន់តែចេញថ្លៃព្យាបាលរបស់នាងប៉ុណ្ណោះ។ ទោះយ៉ាងណានៅពេលនាងត្រឡប់មកធ្វើការវិញ នាងត្រូវបានគេជូនដំណឹងថា នាងត្រូវបានគេបញ្ឈប់ពីការងាររបស់នាង។
នេះមិនមែនជាលើកទីមួយទេ ដែលក្រុមហ៊ុនមួយចំនួននៅក្នុងប្រទេសចិន បានដាក់ទណ្ឌកម្មនិយោជិករបស់ពួកគេ ដោយធ្វើឱ្យពួកគេបរិភោគអាហារមិនល្អគ្រប់ប្រភេទ៕ ដោយ៖ លឹម ហុង
