វីដេអូឃ្លីបថ្មីមួយ ដែលត្រូវបានចែករំលែកដោយគណនីហ្វេសប៊ុកឈ្មោះ Samson Singh Nejar បានបង្ហាញបុរសម្នាក់អត់ពាក់អាវ និងស្បែកជើង ដោយគ្រាន់តែស្លៀកខោជើងវែងពណ៌ខ្មៅ បានកំពុងដេកនៅលើកណ្តាលទ្រូងផ្លូវ ខណៈធ្វើលំហាត់ Yoga ខ្លីៗ ដែលធ្វើឲ្យដំណើរគ្រប់គ្នាព្រួយបារម្ភពីសុវត្ថិភាពគាត់ជាខ្លាំង។
ម្ចាស់គណនីខាងលើបន្តឲ្យដឹងទៀតថា នេះជាផ្លូវហាយវ៉េដ៏មមាញឹកមួយ ដែលមានរថយន្តបើកឆ្លងកាត់ប្រកិតៗ នឹងខ្លួនបុរសរូបនេះដ៏គួរឲ្យគ្រោះថ្នាក់បំផុត។ ប៉ុន្តែ ទោះយ៉ាងណា គាត់នៅតែបន្តធ្វើ Yoga ដោយពុំខ្វល់ពីគ្រោះថ្នាក់ ត្រូវរថយន្តបុកស្លាប់នោះឡើយ។
ក្រោយឃើញបែបនេះ អ្នកប្រើប្រាស់អ៊ិនធឺណិតភាគច្រើន បានខមិនដោយនិយាយបែបនេះថា បុរសរូបនេះអាចមានសតិមិនល្អ ឬ អាចបើមិនស្រវឹងស្រា ក៏រងទទួលពីឥទ្ធិពលគ្រឿងញៀនតែម្តង។
គួរបញ្ជាក់ថា ហេតុការណ៍នេះផងដែរ ម្ចាស់គណនីខាងលើ ពុំបានបញ្ជាក់ទីកន្លែងឲ្យដឹងនោះទេ តែគេបានប៉ាន់ស្មានថា ទិដ្ឋភាពនេះអាចនៅក្នុងប្រទេសម៉ាឡេស៊ី។ តោះ! កុំឲ្យខាតពេលយូរ សូមទស្សនាវីដេអូខាងក្រោមទាំងអស់គ្នា៕ ដោយ៖ លឹម ហុង
