ភ្នំពេញ ៖ ភ្លើងប្រច័ណ្ឌមួយ បាននាំឲ្យស្ត្រីជាប្រពន្ធដើមម្នាក់ នៅក្នុងប្រទេសវៀតណាម នាំគ្នីគ្នាចាប់នារីវ័យក្មេងដ៏ស្រស់ស្អាតម្នាក់ ប្រើអំពើហិង្សាយ៉ាងសាហាវបំផុត ដោយចាប់សម្រាតអាវគ្មានសល់ រួចយកស្បែកជើងវ៉ៃទាត់ធាក់មកលើនាងគ្មានត្រាប្រណីដៃឡើយ ឃើញហើយពិតជាគួរឲ្យអាណិតខ្លាំងមែនទែន។
នេះបើតាមគណនីហ្វេសប៊ុកឈ្មោះ Nguyễn’s Sangg កាលពីល្ងាចថ្ងៃទី២៨ ខែកក្កដា ឆ្នាំ២០២០ ម្សិលមិញនេះ បានបង្ហោះរូបភាពដ៏តក់ស្លុតជាច្រើនសន្លឹកដែលខ្លួនបានថត ដោយគ្រាន់តែភ្ជាប់ចំណងជើងសរសេរបញ្ជាក់យ៉ាងខ្លីថា៖ «កំពុងធ្វើដំណើរទៅផ្ទះ ចេញពីកន្លែងធ្វើងារ ក៏ស្រាប់តែជួបហេតុការណ៍ដ៏រន្ធត់នេះ ដែលព្រោះតែដោយសារភ្លើងប្រច័ណ្ឌ»។
ក្រោយរូបភាពនៃអំពើហិង្សាដ៏អាក្រក់នេះ ត្រូវបានចែករំលែកយ៉ាងលឿន ឃើញថាបានទាក់ទាញការចាប់អារម្មណ៍ ជាមួយមតិចូលខមិនចម្រុះតែម្តង។ ក្នុងនោះ ជំហានដំបូង ស្ត្រីមួយចំនួនបានរិះគន់ទៅលើអ្នកផុសថា ខ្វះសុជីវធម៌ខ្លាំងណាស់ ដែលពុំបិទបាំងកេរ្តិ៍ខ្មាស ដែលហាក់ដូចជាមើលងាយស្ត្រីភេទពេកហើយ។
ដោយឡែក ងាកមកចាប់អារម្មណ៍រឿងភ្លើងប្រច័ណ្ឌវិញ អ្នកលេងបណ្តាញសង្គមម្នាក់បានលើកឡើងថា «ប្តីមិនមែនជាសង្សារទេ ប្តីជារបស់ឯកជនណា៎ ចឹងហើយកុំឆ្ងាញ់របស់គេពេក បើប៉ះប្រពន្ធគេស្លូតមិនអីទេ តែបើប៉ះប្រពន្ធគេខ្លាំងដែរ នេះជាលទ្ធផល…»។ រីឯអ្នកខ្លះទៀត ក៏បានផ្ទុះកំហឹងបែបនេះថា៖ «ហ្នឹងហើយ គ្នានស្រីណាចង់ទៅស្រឡាញ់ប្តីគេទេ តែអាប្រុសវាយ៉ាប់ បានតែកាត់ក្តវាចោលទេ», «មនុស្សប្រុស គេអស់ចិត្តហើយ មកធ្វើបាបស្រីដូចគ្នាទៅវិញ»៕ ដោយ៖ លឹម ហុង
