ស្រីស្អាតហុងកុង២នាក់ ដែលជាតារា Instragram ត្រូវបានប៉ូលិសចាប់ខ្លួនកាលពីល្ងាចថ្ងៃអាទិត្យ បន្ទាប់ពីពួកគេ Live វីដេអូផ្ទាល់ បង្ហាញពីសកម្មភាពបញ្ចេញកំហឹងទៅលើបុរសម្នាក់ ដែលពួកគេនិយាយចោទប្រកាន់ថា បានផ្ញើសាររំខានបង្ហាញប្រដាប់ភេទឲ្យមើល។
បណ្តារូបភាពពីវីដេអូ Live ផ្ទាល់ បានបង្ហាញឲ្យឃើញបុរសម្នាក់ ស្លៀកតែខោជើងខ្លី ដោះអាវ អង្គុយនៅលើគ្រែក្នុងទឹកមុខដ៏ស្រពាប់ស្រពោន នៅក្នុងបន្ទប់សណ្តាគារ Yau Ma Tei ។
នៅក្នុងផ្នែកដំបូងនៃវីដេអូ ម្នាក់ក្នុងនារីទាំងពីរបានយកខ្សែក្រវ៉ាត់ចេញពីថង់ប្លាស្ទិច និងសួរទៅកាន់បុរសនោះ តើនេះជាអ្វីទេ។ បុរសនោះក៏បានឆ្លើយថា គាត់អត់ដឹងនោះទេ ហើយនាងក៏វាយគាត់១ខ្សែក្រវ៉ាត់ឲ្យផ្ទប់នឹងពួក ជាមួយនឹងសំណើច។
បន្ទាប់មក ពួកនាងបានបង្ខំឲ្យគាត់ដោះអាវចេញ ដោយនិយាយថា៖ «អ្នកដោះសម្លៀកបំពាក់មួយចេញ ហើយខ្ញុំក៏ដោះមួយចេញដែរ»។
នៅចំណុចមួយនោះ ម្នាក់ក្នុងចំណោមនារីទាំងពីរ បានកាន់ស្បែកជើងរបស់នាង ហើយបង្ខំឲ្យបុរសនោះលិឍវា។ ទោះយ៉ាង បុរសនេះបានបង្ខំចិត្តលិឍទាំងស្ទាក់ស្ទើរ និងបន្ទាប់មក ក៏បានទៅបន្ទប់ទឹកលាងមាត់ភ្លាមៗផងដែរ។
នារីទាំងពីរត្រូវបានស្គាល់ថា ជាអ្នកមានឥទ្ធិពលនៅលើបណ្តាញសង្គម Instaram ដែលមានឈ្មោះ Pun និង Emillia Wong ។ អ្នកទាំងពីរតែងតែជាប្រធានបទនៃជជែកវែកញែកដ៏ចម្រូងចម្រាស នៅលើវេទិកាអ៊ិនធឺណិត ដែលអ្នកនិយមលេងអ៊ិនធឺណិតបានហៅពួកគេថា «ស្រីពេស្យា ឬ ស្រីរកស៊ីលក់ខ្លួន»។
ទោះយ៉ាងណា ក្រោយពួកនាងទាំងពីរបានបង្ហោះវីដេអូដ៏មិនសមរម្យ ធ្វើឲ្យផ្ទុះការរិះគន់យ៉ាងចាស់ៗដៃ ប៉ូលិសក៏បានធ្វើការស្វែងរកនិងចាប់ខ្លួនពួកគេតែម្តង៕ ដោយ៖ លឹម ហុង
