ពេលនេះ ពិភពលោកទាំងមូល កំពុងបង្ហាញនូវអារម្មណ៍តក់ស្លុត និងសោកសៅយ៉ាងខ្លាំង ចំពោះសោកនាដកម្មពីហេតុការណ៍ផ្ទុះឃ្លាំងរំសេវដ៏ខ្លាំងក្លាបំផុត នៅក្នុងទីក្រុង Beirut ប្រទេសលីបង់។
ការផ្ទុះដ៏ធំធេងមួយនេះ បានកើតឡើងនៅក្នុងទីក្រុងកំពង់ផែនៃទីក្រុង Beirut និងសឹងតែបានធ្វើឲ្យរាបស្មើទីក្រុងទាំងមូល។ យោងតាមរបាយការណ៍ AP News មជ្ឈមណ្ឌលភូមិសាស្ត្រវិទ្យាសាស្ត្រអាល្លឹម៉ង់ GFZ បាននិយាយថា ការផ្ទុះនេះបានវាយប្រហារដោយកម្លាំងរញ្ជួយ ៣,៥ រិចទ័រ។ ការផ្ទុះនេះអាចត្រូវបានគេឮ និងមានអារម្មណ៍ថាដូចនៅក្នុង Cyrus ចម្ងាយជាង ២០០ គីឡូម៉ែត្រ។
គេបាននិយាយថា មូលហេតុនេះការផ្ទុះនេះ គឺដោយសារតែការបំផ្ទុះដោយចៃដន្យ នូវអាម៉ូញ៉ូមនីត្រាតចំនួន ២.៧៥០ តោន (សមាសធាតុគីមីប្រតិកម្មខ្លាំង) ដែលត្រូវបានរក្សាទុកដោយគ្មានវិធានការណ៍សុវត្ថិភាពនៅក្នុងឃ្លាំងនោះ អស់រយៈពេល ៦ ឆ្នាំ។
ប្រជាជនលីបង់បានចូលទៅប្រើបណ្តាញសង្គម ដើម្បីចែករំលែកនូវព័ត៌មានខ្លះៗ អំពីឧប្បត្តិហេតុនេះ ហើយវាពិតជាធ្វើឱ្យឈឺចាប់ខ្លោចផ្សារខ្លាំងបំផុត។
គេក៏បាននិយាយឲ្យដឹងផងដែរថា អភិបាលក្រុង Beirut បានខ្នះខ្នែងដោះស្រាយយ៉ាងយកចិត្តទុកដាក់ ចំពោះវិបត្តិហិរញ្ញវត្ថុដ៏ធំ, ជំងឺរាតត្បាតកូរ៉េណា និងការកាត់ផ្តាច់ចរន្តអគ្គិសនី មុនពេលហេតុការណ៍ផ្ទុះឡើង។ ហើយបច្ចុប្បន្ន កំពុងធ្វើកិច្ចការដើម្បីជួយផ្តល់អាហារ ទឹក និងទីជម្រកសម្រាប់ប្រជាជនរហូតដល់ ៣០០.០០០នាក់ បានបាត់បង់ផ្ទះពួកគេ។
សូមបញ្ជាក់ថា ចំនួនអ្នកស្លាប់ដោយសារតែការផ្ទុះដ៏កក្រើកនៅក្នុងទីក្រុង Beirut បានកើនឡើងដល់យ៉ាងតិច ១៣៥នាក់ ខណៈដែលអ្នករងរបួសបានកើនដល់ប្រហេល ៥.០០០ នាក់ និងមនុស្សជាច្រើនទៀត កំពុងបាត់ខ្លួនផងដែរ៕ ដោយ៖ លឹម ហុង
#Beirut
Future history books will need one chapter just for year
2020
alone.#Beirut #BeirutBlast pic.twitter.com/5Vt72sgvRz— Chintan Ghantala (@GhantalaChintan) August 5, 2020
The photographer who trying to document this video he died #BeirutBlast #Beirut pic.twitter.com/UX6CIi583r
— Majd khalaf (@majdkhalaf1993) August 4, 2020
The best description of what happened in #Beirut “what the actual eff!?” :scream:pic.twitter.com/SLEq7EV0L1
— JoPrem (@JoPrem1) August 5, 2020