នៅកីឡដ្ឋាន Schauinland-Reisen-Arena ក្នុងទីក្រុង Duisburg ប្រទេសអាល្លឺម៉ង់ ក្រុមឆ្កែចចក Wolverhampton Wanderers របស់អង់គ្លេសបានធ្លាក់ចេញពីពានរង្វាន់UEFA EUROPA LEAGUEហើយ ក្រោយចាញ់ក្រុមម្ចាស់ជើងឯកក្នុងកម្មវិធីនេះ៥សម័យកាល Sevilla។ បរាជ័យកាលពីយប់មិញបានធ្វើឲក្រុមឆ្កែចចកខូចចិត្តយ៉ាងខ្លាំង តាមពិតទៅប្រសិនជា Raul Jimenez ស៊ុតប៉េណាល់ចូលនោះវាគឺជា Wolves ទេដែលជាអ្នកនាំមុខ តែគួរឲសោកស្តាយណាស់ដែលគាត់ធ្វើមិនបានសម្រេច។ បើនិយាយពី Sevilla ដែលដឹកនាំដោយលោក Julen Lopetegui វិញ មិនចាញ់សោះក្នុង១៩ចុងក្រោយ និងមើលទៅដូចជាម្ចាស់ការបំផុតក្នុងការប្រកួតនេះ ជាពិសេសកីឡាករ play-maker សញ្ជាតិកូឡុំប៊ី Ever Banega បានប៉ះបាល់រហូតដល់១៨០ដង និយាយជារួមក្រុមមកពី អង់គ្លេស មួយនេះស្ទើរតែគ្មានឱកាសដកដង្ហើមឡើយ។
សូមបញ្ជាក់ផងដែរថា បរាជ័យរបស់ក្រុមឆ្កែចចក ដែលដឹកដោយលោក Nuno Espirito Santo បានកើតឡើងក្នុងនាទីចុងម៉ោងទៅហើយគឺនាទី៨៨ ដែលស៊ុតចូលដោយកីឡាករសញ្ជាតិ អាហ្សង់ទីន វ័យ២៦ឆ្នាំ Lucas Ocampo ក្រោយជ័យជំនះនេះក្រុម Sevilla នឹងប៉ះជាមួយក្រុមអង់គ្លេសមួយផ្សេងទៀតគឺ Man Utd ក្នុងវគ្គពាក់កណ្តាលផ្តាច់ព្រ័ត្រនាទីក្រុង Dusseldorf នៅថ្ងៃអាទិត្យសប្តាហ៍នេះ៕
ដោយ ៖វិច្ឆិកា
