Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ប្រទេស​រុស្ស៊ី បាន​នាំយក​យន្តហោះ​ប្រយុទ្ធ​ទៅ​កោះ ដែល​មាន​ជម្លោះ នៅក្បែរ​ប្រទេស​ជប៉ុន​

spot_img

នាយករដ្ឋមន្ត្រី​រុស្ស៊ី លោក Dmitry Medvedev បានអនុម័ត​ផែនការ​ដាក់ពង្រាយ​យន្តហោះ​ប្រយុទ្ធ​នៅលើ​កោះ​ដែល​មាន​ជម្លោះ​នៅ​ជិត​ប្រទេស​ជប៉ុន​។​

​ការផ្លាស់ប្តូរ​នេះ​បាន​កើតឡើង​ខណៈ​ដែល​ទំនាក់ទំនង​រវាង​ក្រុង​ម៉ូស្គូ​និង​ក្រុង​តូ​ក្យូ​មាន​ភាព​តឹងតែង​ជុំវិញ​ការ​ដាក់​ពង្រាយ​ប្រព័ន្ធ​ការពារ​មី​ស៊ី​ល​នៅក្នុង​ប្រទេស​ជប៉ុន​។​

​លោក Medvedev បានអនុញ្ញាត​ឱ្យ​ក្រសួង​ការពារ​ប្រទេស​រុស្ស៊ី​ប្រើប្រាស់​ព្រលាន​យន្តហោះ​ស៊ីវិល​នៅ​កោះ Iturup (​ជប៉ុន​ហៅ​ថា កោះ Elorofu) ដែល​ជា​កន្លែង​សម្រាប់​យន្តហោះ​ចម្បាំង​ចុះចត​។​

វា​គឺជា​កោះ​មួយ​ក្នុងចំណោម​កោះ​បួន​ដែល​កាន់កាប់​ដោយ​សហភាពសូវៀត​នៅ​ចុងបញ្ចប់​នៃ​សង្គ្រាមលោកលើកទី 2 ដែល​មាន​ទីតាំង​ស្ថិតនៅ​ឆ្នេរសមុទ្រ Hokkaido ដែល​ជា​ខេត្ត​ធំ​បំផុត​របស់​ប្រទេស​ជប៉ុន​។ កោះ​ទាំងនេះ (​រុស្សី​ហៅថា Kuriles និង​ជប៉ុន​ហៅថា​«​ដែនដី​ភាគ​ខាងជើង​») ជា​ប្រធានបទ​ដ៏​ចម្រូងចម្រាស​ជា​យូរណាស់​មក​ហើយ​ខណៈ​ដែល​ក្រុង​ម៉ូស្គូ​និង​តូ​ក្យូមិ​ន​ទាន់​បាន​ចុះហត្ថលេខា​លើ​សន្ធិសញ្ញា​សន្តិភាព​ដើម្បី​បញ្ចប់​ជម្លោះ​នេះ​។​

នាយករដ្ឋមន្ត្រី​រុស្ស៊ី​លោក Dmitry Medvedev បាន​ធ្វើ​ទស្សនកិច្ច​ទៅ​កាន់​កោះ​អ៊ីតាលី​ក្នុង​ឆ្នាំ 2015 ។​

​ការសម្រេចចិត្ត​របស់​លោក Medvedev គឺជា​ជំហាន​ចុងក្រោយ ក្នុង​ផែនការ​កសាង​កងកម្លាំង​រុស្ស៊ី នៅក្នុង​តំបន់ បន្ទាប់​ពី​ទីក្រុង​ម៉ូស្គូ​បាន​ដាក់ពង្រាយ​ប្រព័ន្ធ​ការពារ​កាំជ្រួច​មី​ស៊ី​ល​ថ្មីៗ​លើ​ប្រជុំ​កោះ​ព្រមទាំង​រៀបចំ​ផែនការ​កសាង​មូលដ្ឋាន​កងទ័ព​ជើង​ទឹក​នៅ​ទីនោះ​។​

​ការសម្រេចចិត្ត​របស់​នាយករដ្ឋមន្ត្រី​រុស្ស៊ី ត្រូវបាន​ប្រកាស​កាលពី​ប៉ុន្មាន​ថ្ងៃមុន នៅពេល​ដែល​រដ្ឋមន្ត្រីការបរទេស​រុស្ស៊ី និង​ជប៉ុន ចរចារ​កិច្ចសហប្រតិបត្តិកា​រលើ​កោះ​ដែល​មាន​ជម្លោះ​។ នេះ​ក៏​ជា​ពេល​មួយ​ដែល​ប្រទេស​រុស្ស៊ី​ភ័យខ្លាច​ជប៉ុន​អនុញ្ញាត​ឱ្យ​អាមេរិក​ប្រើ​ទឹក​ដី​របស់​ខ្លួន​ជា​មូលដ្ឋាន​មួយ សម្រាប់​វ៉ាស៊ីនតោន ដើម្បី​កសាង​កងកម្លាំង​នៅ​អាស៊ី​ខាងជើង​ក្រោម​ហេតុផល​ប្រឆាំង​កូរ៉េខាងជើង​។​

​វា​មិន​ច្បាស់​ទេ​ថា តើ​រុស្ស៊ី​នឹង​ដាក់​ពង្រាយ​យន្តហោះ​ចម្បាំង​ទៅកាន់​កោះ​ដែល​មាន​ជម្លោះ​ជា​អចិន្ត្រៃយ៍​ឫ​ប្រើប្រាស់​ព្រលានយន្តហោះ​តែ​នៅពេល​ចាំបាច់​នោះ​។​

​ទន្ទឹមនឹងនេះ​ដែរ​ប្រភព​មួយ​បាន​និយាយ​ថា​រុស្ស៊ី​មាន​ការព្រួយបារម្ភ​ជា​ពិសេស​អំពី​ផែនការ​ដាក់ពង្រាយ​ប្រព័ន្ធ​ការពារ​មី​ស៊ី​ល Aegis Akita និង​Yakamata នៃ​ប្រទេស​ជប៉ុន​៕ សូ​យ​ន​

spot_img
×