ដូចដែលប្រិយមិត្តបានដឹង និងអស់សំណើចហួសចិត្តរួចហើយ ចំពោះកញ្ញា រ៉ូស តារាសម្តែងមួយរូបដែលកំពុងលេចធ្លោយ៉ាងខ្លាំងរឿងគេរិះគន់ និងសូម្បីផេកមួយចំនួនយកមកត្រូល សុះសាយពាសពេញបណ្តាញសង្គមតែម្តង ដោយសារតែរឿងផ្តើមចេញនិយាយនៅលើ Tik Tuk ខឹងមីងម្នាក់មិនស្គាល់រូបនាងថាជានរណា ដែលហាក់ដូចមិនស្គាល់ក្រដាស១០ ក្រដាស២០ អ៊ីចឹង។
ពុំត្រឹមតែល្បីរឿងហ្នឹងទេ កញ្ញ រ៉ូស បន្ទាប់មក ក៏ត្រូវបានបែកធ្លាយព័ត៌មានថា បានបោកជនបរទេសម្នាក់រហូតដល់ ៥ ពាន់ដុល្លារ ហើយបានប្លុកគាត់ដើម្បីគេចវេះមិនព្រមសង។ នេះបើយោងតាមអ្នកលក់ផលិតផលអនឡាញ ចែកា (Mo Lika) បានបញ្ចេញភស្តុតាងវីដេអូជាក់ស្តែង ដែលបុរជនបរទេសរងគ្រោះពឹងឲ្យជួយរកយុត្តិធម៌ កាលពីថ្ងៃទី១២ ខែសីហា ឆ្នាំ២០២០។
ដោយឡែក ថ្មីៗនេះ តារាសម្តែងស្រីល្បីធ្វើរឿងប្លែកៗរូបនេះ បាននិយាយនៅលើបណ្តាញសង្គម Tik Tuk ដ៏គួរឲ្យភ្ញាក់ផ្អើលយ៉ាងដូច្នេះថា៖ «ភាគច្រើន រ៉ូស អត់សូវលេង Tik Tuk ទេ ដោយសារ ទិកតុក សម្បូរមនុស្សបែកស្លុយច្រើនពេក អឺ…ភាគច្រើន រ៉ូស ចូលចិត្តលេង Instagram ព្រោះអ៊ីនស្តាក្រាមសម្បូរមហាសេដ្ឋីម៉ាឡេ ប្រ៊ុយណេ និយាយទៅសម្បូរអ្នកមានថ្លៃថ្នូរច្រើន….»៕ ដោយ៖ លឹម ហុង
