សង្គ្រាមលោកលើកទី ២គឺជាជម្លោះយោធាដ៏សាហាវបំផុតក្នុងប្រវត្តិសាស្ត្រ។ វាបានផ្ទុះឡើងកាលពីថ្ងៃទី ១ ខែកញ្ញា ឆ្នាំ ១៩៣៩ និងបានអូសបន្លាយរហូតដល់ថ្ងៃទី ២ ខែកញ្ញា ឆ្នាំ ១៩៤៥។
មនុស្សប្រមាណពី ៧០ ទៅ ៨៥លាននាក់បានស្លាប់បាត់បង់ជីវិត ដែលចំនួននេះស្មើប្រហែល ៣ភាគរយនៃចំនួនប្រជាជនសរុបរបស់ពិភពលោក ក្នុងឆ្នាំ ១៩៤០។
ចំនួនអ្នកស្លាប់ដោយផ្ទាល់ក្នុងសង្គ្រាមត្រូវគេប៉ាន់ប្រមាណថាមានពី ៥០ ទៅ ៥៦លាននាក់ ខណៈដែលមនុស្សចន្លោះពី ១៩ ទៅ ២៨លាននាក់ផ្សេងទៀតស្លាប់ដោយសារជំងឺ និងការអត់អាហារ ដែលបង្កឡើងដោយសង្គ្រាម៕
ប្រភព៖ Wikipedia
