កិច្ចព្រមព្រៀងខាងលើត្រូវបានគេដឹងថាមានតម្លៃ១លានផោន ដោយ Leeds បានចុះហត្ថលេខាយកកីឡាករយុវជនអាយុ១៨ឆ្នាំរូបនេះពី Wigan Athletic ក្នុងរយៈពេល៤ឆ្នាំ។
Gelhardt បានប្រកួតដំបូងឲ្យ Wigan ក្នុងអាយុ ១៦ឆ្នាំ នៅពានរង្វាន់ Carabao Cup ទល់នឹងក្លឹប Rotherham United។ គាត់ក៏ធ្លាប់លេងឲ្យក្រុមជម្រើសជាតិអង់គ្លេសអាយុក្រោម ១៦ ១៧ និង១៨ឆ្នាំទៀតផង និងជាទីដែលគាត់អាចស៊ុតបញ្ចូលទីបាន១៩គ្រាប់ ក្នុងការបង្ហាញខ្លួនសរុប២១លើក។ ចំណែកក្នុងក្រុមឈុតធំវិញ គ្រាប់ដំបូងរបស់គាត់កើតឡើងនៅពេលដែល Wigan លេងស្មើគ្នាជាមួយ Hull City ២ទល់នឹង២ ដោយគាត់បានស៊ុតបញ្ចូលទីបាន១គ្រាប់។
គួរកត់សម្គាល់ថា Gelhardt ជាកីឡាករទីពីរដែល Leeds ចុះហត្ថលេខានាំយកមកកាន់កីឡដ្ឋាន Ellan Road ក្នុងរដូវកាលថ្មីនេះ៕ ដោយ៖ សើ វិច្ឆិកា
