សត្វឆ្កែ១ក្បាល យ៉ាងហោចណាស់ ក៏បានធ្វើឲ្យមនុស្សមួយចំនួនធ្វើដំណើរឆ្លងកាត់ ភ័យលោះព្រលឹងខណៈក្រឡេកឃើញវាភ្លាម គិតស្មានតែសត្វខ្លា១ក្បាល កំពុងចូលអុកឡុកភូមិនោះ តែតាមពិតគ្រាន់តែជាសត្វឆ្កែដែលត្រូវបានគេលាបពណ៌ឲ្យដូចខ្លាប៉ុណ្ណោះ។
ក្រោយពីរូបភាពនេះត្រូវបានបែកធ្លាយនៅលើបណ្តាញសង្គម សកម្មជនសត្វនៅក្នុងប្រទេសម៉ាឡេស៊ី បានសម្រេចផ្តល់រង្វាន់លើកទឹកចិត្ត ចំពោះអ្នកដែលបានផ្តល់ព័ត៌មានអ្នកដែលបានប្រឌិតរឿងនេះឡើង ដើម្បីឲ្យអាជ្ញាធរចាត់ការតាមផ្លូវច្បាប់។ ក្នុងនោះ ពួកគេសរសេរថា៖ «សូមជួយផ្តល់ព័ត៌មានផង ពីទីតាំង និងថាតើសត្វនេះជារបស់អ្នកណា?»។
ជាមួយគ្នានោះផងដែរ សកម្មជនសត្វ ក៏បានបញ្ជាក់ថា «ប្រាក់រង្វាន់នឹងត្រូវបានប្រគល់ជូនអ្នកដែលបានបង្ហាញព័ត៌មានអំពីហេតុការណ៍ដ៏ហួសចិត្តនេះ»។
ទាក់ទងនឹងរឿងហេតុដ៏ហួសចិត្តនេះផងដែរ មហាជនសង្ឃឹមថា អ្នកដែលទទួលខុសត្រូវចំពោះការរំលោភបំពានទៅលើសត្វឆ្កែនេះ នឹងត្រូវបានប៉ូលីសនាំយកមកកាត់ទោស៕ ដោយ៖ លឹម ហុង
