ស្រុកស្ទឹងហាវ៖មន្ទីរព័ត៌មានខេត្តព្រះសីហនុ បានឲ្យដឹងថា ប្រជាពលរដ្ឋដែលមានមុខរបរចិញ្ចឹមត្រីដោយប្រើបែ បានឲ្យដឹងថា ដោយសារតែប៉ុន្មានថ្ងៃនេះ នៅខេត្តព្រះសីហនុ
ទទួលរងនូវភ្លៀង-ខ្យល់កន្ត្រាក់ រួមផ្សំទឹកភ្លៀងខ្លាំងទឹកភ្លៀង(ទឹកសាប)ហូរចូលព្រែកបះពាល់ដល់បែត្រី ធ្វើឲ្យការចិញ្ចឹមត្រីសមុទ្រដូចជាត្រីឆ្ពង់ជាដើមរបស់ពួកគាត់ បានងាប់អស់រាប់ពាន់-ម៉ឺនក្បាលជាបន្តបន្ទាប់ ។
ប្រជានេសាទម្ចាស់បែចិញ្ចឹមត្រីមួយរូបនៅស្រុកស្ទឹងហាវ បានប្រាប់ឲ្យដឹងថា ប្រសិនបើភ្លៀងនៅតែបន្តធ្លាក់ខ្លាំងទៀត ចំនួនត្រីក្នុងបែ នឹងបន្តងាប់ ដែលនាំអោយពួកគាត់មានការការខាតបង់យ៉ាងធ្ងន់ធ្ងរ ។
សូមបញ្ជាក់ថា ពលរដ្ឋដែលមានបែចិញ្ចឹមត្រីសមុទ្រដូចជាត្រីឆ្ពង់ជាដើម នៅព្រែកបីក្នុងស្រុកស្ទឹងហាវខេត្តព្រះសីហនុប្រាប់ថា នៅថ្ងៃទី១៨កញ្ញា២០២០នេះ ដោយសារភ្លៀងខ្លាំង ទឹកហូរបុកចូលព្រែក ប៉ះពាល់ដល់បែ ចិញ្ចឹមត្រី បណ្តាលឲ្យត្រីចិញ្ចឹមយ៉ាងច្រើនបានងាប់ជាបន្តបន្ទាប់៕ដោយ៖កូឡាប
