Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ស្ត្រី​ឥណ្ឌា​ម្នាក់ ត្រូវ​ប្តី​យក​ទៅ​វះកាត់ លក់​ក្រលៀន​

spot_img

ប្តី និង​ប្អូនថ្លៃ​ប្រុស របស់​ស្ត្រី​ឥណ្ឌា​ម្នាក់ ត្រូវបាន​ប៉ូលីស​ចាប់ខ្លួន ក្រោយ​ពេល​គាត់​បាន​ប្រាប់​ប៉ូលីស​ថា​ ពួកគេ​បាន​លួច​វះកាត់​យកក្រលៀន​ម្ខាង​របស់​គាត់​លក់ ដើម្បី​ជំនួស​ការទាមទារ​ប្រាក់​សំណង​ចំណង​​ដៃ​។ នេះ​បើ​តាម​ការចេញផ្សាយ​របស់ BBC នៅ​ថ្ងៃ​ព្រហស្បតិ៍​នេះ​។​

​បើ​តាម​ប្រព័ន្ធ​ផ្សព្វផ្សាយ​ក្នុង​ស្រុក​បានឲ្យដឹងថា ប្តី​របស់​ស្ត្រី​ដែល​រស់នៅ​ក្នុង​រដ្ឋ West Bengal បាន​​រៀបចំ​ឲ្យមាន​ការវះកាត់​ពោះវៀនដុះ​ខ្នែរ​ឲ្យ​ប្រពន្ធ​គាត់ ក្រោយ​ពេល​គាត់​ឈឺពោះ​យ៉ាងខ្លាំង កាលពី​២​ឆ្នាំមុន​។​

​ប៉ុន្តែ​នៅ​ចុងឆ្នាំ ២០១៧​កន្លងទៅនេះ ការពិនិត្យ​សុខភាព ២​ដង បានបង្ហាញ​ថា ស្ត្រី​នោះ​បាន​បាត់​ក្រលៀន​របស់​គាត់​ម្ខាង​។​

​អ្នកស្រី​បាន​បញ្ជាក់ថា ប្តី​របស់​អ្នកស្រី​តែងតែ​ទាមទារ​ប្រាក់​សំណង​ពី​ខាង​អ្នកស្រី​។ ក្នុង​ប្រពៃណី​ឥណ្ឌា​​ខាង​ប្រុស​មាន​សិទ្ធិ​ទារ​យក​ប្រាក់​សំណង​វិញ​ពី​ខាង​គ្រួសារ​ស្រី ប៉ុន្តែ​ប្រពៃណី​នេះ​ត្រូវបាន​គេ​ហាមប្រាម​​តាំងពី​ឆ្នាំ ១៩៦១​មក​ម្លេះ​។​

​ស្ត្រី​រងគ្រោះ​ឈ្មោះ Rita Sarkar បាន​និយាយថា គាត់​បាន​ក្លាយជា​ជនរងគ្រោះ​នៃ​ការរំលោភបំពាន​ក្នុង​គ្រួសារ​អស់​ជាច្រើន​ឆ្នាំ​មកហើយ ដោយសារ​ខាង​ប្រុស​ទារ​យក​ប្រាក់​ចំណងដៃ​។​

​គាត់​បញ្ជាក់​ដូច្នេះ​ថា “​ប្តី​ខ្ញុំ​បាន​នាំ​ខ្ញុំ​ទៅ​កន្លែង​ពិនិត្យ​សុខភាព​ក្នុង​ទីក្រុង Kolkata ហើយ​បុគ្គលិក ពេទ្យ និង​គាត់​បាន​ប្រាប់​ខ្ញុំ​ថា ខ្ញុំ​នឹង​ជា​វិញ​ក្រោយពេល​វះ​គាត់​យក​ខ្នែងពោះវៀន​ចេញ​”​។​

​អ្នកស្រី​បន្ថែមថា ប្តី​របស់​ខ្ញុំ​បាន​ព្រមាន​ខ្ញុំ​មិន​ឲ្យ​ប្រាប់​ពី​ការវះកាត់​នោះ​ឲ្យគេ​ដឹង​ឡើយ​។​

​អ្នកស្រី​និយាយថា ខ្ញុំ​ទើបតែ​ដឹងថា ហេតុ​អ្វីប្តី​ខ្ញុំ​មិន​ឲ្យ​ប្រាប់រឿង​វះកាត់​ឲ្យគេ​ដឹង ព្រោះ​គាត់​បាន​លក់​គ្រលៀន​ខ្ញុំ ដោយសារ​តែ​គ្រួសារ​ខាង​ខ្ញុំ​មិន​អាច​ធ្វើ​តាម​ការចង់បាន​របស់​គាត់​រឿង​ប្រាក់​សំណង​៕ សុភ័ក្ត្រ

spot_img
×