ភ្នំពេញ÷បុរសម្នាក់បើករថយន្តរេចង្កូតជ្រុលទៅបុករថយន្តមួយគ្រឿងទៀត ចតនៅចិញ្ចើមផ្លូវពេញទំហឹងបណ្ដាលឱ្យរងការខូចខាតផ្ទៃខាងក្រោយទាំងស្រុង។
ហេតុការណ៍នេះដែរកើតឡើងនៅវេលាម៉ោង ៩ និង ៣០ នាទីយប់ ថ្ងៃសៅរ៍ទី ២៦ ខែកញ្ញាឆ្នាំ ២០២០ នៅតាមបណ្ដោយផ្លូវ ៣០ម៉ែត្រសង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ ។
បើយោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាក បាឡែន ពណ៌ទឹកប្រាក់មួយគ្រឿងដែលពាក់ផ្លាកលេខ ភ្នំពេញ
2-Q 7376 ចតនៅចិញ្ចើមផ្លូវ ស្រាប់តែមួយស្ទុះមកគេបានឃើញរថយន្ត ម៉ាក ហាយឡែនឌ័រ ពណ៌ទឹកប្រាក់មួយគ្រឿង ដែលពាក់ផ្លាកលេខ ភ្នំពេញ 2-AC 9817 )បើកបរដោយបុរសខាងលើធ្វើដំណើរក្នុងទិសដៅពីត្បូងមកជើងក្នុងល្បឿនលឿន ខណៈមកដល់ចំណុចកើតហេតុ ក៏ជ្រុលចង្កូតទៅបុកពីក្រោយរថយន្តម៉ាកបាឡែនពេញទំហឹង បណ្ដាលឲ្យខ្ទាតទៅចិញ្ចើមផ្លូវរងការខូចខាតទាំងស្រុង ។ បញ្ជាក់ក្នុងហេតុការណ៍គ្រោះថ្នាក់ចរាចរណ៍នេះ មិនបង្ករបួសស្នាម និងមិនមានអ្នកបាត់បង់ជីវិតទេ រងការខូចតែរថយន្ត២គ្រឿងប៉ុណ្ណោះ ។
ក្រោយពេលកើតហេតុសមត្ថកិច្ចមូលដ្ឋានសហការជាមួយនឹងជំនាញ ចុះមកដល់ក៏បានព្យាយាមសម្របសម្រួល ទៅដល់ភាគីទាំង២ ចុងក្រោយរថយន្ត ហាយ ឡែនឌ័រក៏បានសងជាសំណងជួសជុលឲ្យរថយន្តបាឡែនដោយចេញថ្លៃរងការខូចខាត ៕ដោយ៖សា មេត
