Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

«​បង​ស៊ូ​ចូល​គុក តែ​មិន​ឲ្យ​អូន​ទៅ​ដៃ​អ្នកផ្សេង​ឡើយ​!» បុរស​ម្នាក់​សម្លាប់​មិត្តស្រី​រួច​ដឹក​សាកសព​ទៅកាន់​ប៉ុស្តិ៍ប៉ូលីស និង​សារភាព​មកពី​មូលហេតុ​១​នេះ​…

spot_img

ក្នុង​រយៈពេល​ពីរ​បី​ថ្ងៃ​កន្លងមកនេះ ព័ត៌មាន​ដែល​បុរស​ម្នាក់​បើករថយន្ត​ដឹក​សព​ស្ត្រី​ម្នាក់ ទៅកាន់​ប៉ុស្តិ៍ប៉ូលីស និង​ចូលខ្លួន​សារភាព​អំពី​អំពើ​មនុស្សឃាត​របស់ខ្លួន បាន​បង្ក​រលក​កំហឹង​យ៉ាងខ្លាំង​ក្លា ពី​សំណាក់​ប្រជាជន​នៅ​ទូទាំងប្រទេស​ម៉ាឡេស៊ី ។

​យោងតាម The Star បាន​រាយការណ៍​ថា អំពើ​មនុស្សឃាត​ដោយ​ចេតនា​នេះ នៅ​ទីបំផុត​ត្រូវបាន​បញ្ចេញ ដោយ​បុរស​រូប​នោះបាន​សារភាពថា រូបគេ​បានសម្លាប់​មិត្តស្រី​របស់ខ្លួន​ឈ្មោះ D. Tharani ដោយសារតែ​ខឹង​នាង​ច្រានចោល​សំណើ​រៀបការ និង​និយាយថា នាង​ចង់​រៀបការ​ជាមួយ​បុរស​ផ្សេង ។​

​ដោយ​ពុំ​អាច​ទទួលយក​បានការ​បដិសេធ​នេះ ជន​រូបនេះ​ក៏​សម្រេច​សម្លាប់​នាង ដោយ​ប្រើ​កាំបិត​ចាក់​ត្រង់​ក​យ៉ាង​សាហាវ ។​

​ឃាតក​អាយុ ៣៧ ឆ្នាំ រូបនេះ បន្ទាប់មក បាន​ដឹក​សាកសព​របស់ Tharani ទៅកាន់​ប៉ុស្តិ៍​ប៉​លី​ស Damansara នៅវេលា​ម៉ោង ៤ ល្ងាច (៥ មករា​) ។ ជន​រូបនេះ​បាន​បើករថយន្ត Honda City ពណ៌​ស​របស់​នារី​រងគ្រោះ ទៅកាន់​បរិវេណ​នៃ​ប៉ុស្តិ៍ប៉ូលីស និង​ដើរចូល​ទៅកាន់​កន្លែង​ទទួលភ្ញៀវ និង​សារភាព​ពី​អំពើ​ឃោរឃៅ​របស់ខ្លួន ក្នុង​សភាព​គ្មាន​ទុក្ខព្រួយ​, ឬ ជា​មនុស្ស​សរសៃប្រសាទ​នោះឡើយ ៕ ចន្ទី

spot_img
×