Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

កូរ៉េខាងជើង សម្តែង​សិល្បៈ ដើម្បី​ស្វាគមន៍​កីឡា អូឡាំពិក Pyeongchang

spot_img

​នៅ​ថ្ងៃ​ទី 8 ខែ​កុម្ភៈ ក្រុម​សិល្បៈ​កូរ៉េខាងជើង មាន​ការសម្តែង​ដ៏​កម្រ​នៅ​ចំពោះមុខ​ទស្សនិកជន កូរ៉េខាងត្បូង រាប់រយ​នាក់ ដើម្បី​អបអរ​កីឡា​អូឡាំពិក​រដូវ​ត្រជាក់​ឆ្នាំ 2018 នៅ Pyeongchang ។​

សិល្បៈករ កូរ៉េខាងជើង Samjiyon បាន​សម្តែង​នៅ​មជ្ឈមណ្ឌល​សិល្បៈ Gangneung នៅ​ថ្ងៃ​ទី 8 ខែ​កុម្ភៈ​។​

​ក្រុម​សិល្បៈ Samjiyon ដែល​មាន​សមាជិក​ចំនួន 140 នាក់ ដឹកនាំ​ដោយ​លោក​ហុន​សុង​វ៉ុល​មេដឹកនាំ​ក្រុម​តន្ត្រី Moranbong Band ។ ការសម្តែង​នេះ​ចាប់ផ្តើម នៅ​ម៉ោង 20​និង​00 យប់ នៅ​សាល Saimdang នៅ​មជ្ឈមណ្ឌល​សិល្បៈ Gangneu ដែល​មាន​ទីតាំង​ស្ថិតនៅ​ភូមិ Gangneung Olympic ។ នេះ​គឺ​ជា​ការសម្តែង​សិល្បៈ​កូរ៉េខាងជើង លើកដំបូង​នៅ​ក្នុង​ប្រទេស​កូរ៉េខាងត្បូង ចាប់តាំងពី​ខែ​សីហា​ឆ្នាំ 2002។​

​រដ្ឋាភិបាល​កូរ៉េខាងត្បូង បាន​អញ្ជើញ​សមាជិក​គ្រួសារ​ដែល​ត្រូវបាន​បំបែក​ដោយ​សង្គ្រាម​ឧបទ្វីប​កូរ៉េ និង​ជនពិកា​ក្នុងសង្គម ដើម្បី​មើល​ការបង្ហាញ​ពិសេស​នេះ​។ ទន្ទឹមនឹងនេះ​ដែរ​កៅអី 560 ដែល​នៅសល់​ត្រូវបាន​បម្រុង​ទុក​សម្រាប់​ពលរដ្ឋ​សាមញ្ញ ដែល​ត្រូវបាន​ជ្រើសរើស​ដោយ​ចៃដន្យ​។​

​ការប្រគំ​តន្ត្រី​លើក​ទី 2 និង​ចុងក្រោយ នឹង​ត្រូវបាន​ធ្វើឡើង នៅ​ថ្ងៃ​ទី 11 ខែ​កុម្ភៈ នៅឯ​មហោស្រព​ជាតិ​កូរ៉េខាងត្បូង នៅ​ម៉ោង​ក្នុងស្រុក 15និង00​។​

​ក្រៅពី​គណៈប្រតិភូ​សិល្បៈ​កូរ៉េខាងជើង ក៏​បាន​បញ្ជូន​គណៈប្រតិភូ​សមាជិក 280 នាក់ ដែល​ដឹកនាំ​ដោយ​លោក Kim Il Guk រដ្ឋមន្ត្រី​ក្រសួង​កីឡា រួម​ទាំង​អ្នកគាំទ្រ​ចំនួន 229 នាក់​និង​អត្ត​ព​លិកតៃ​ក្វាន់​ដូ​ចំនួន 26 នាក់ មន្ត្រី​គណៈកម្មាការ 4 នាក់​។ គណៈកម្មាធិការ​ជាតិ​អូឡាំពិក​និង​អ្នកកាសែត 21 នាក់​។​

​ទន្ទឹមនឹងនេះ​ដែរ​គណៈ​ប្រតិភូ​ជាន់ខ្ពស់​កូរ៉េខាងជើង ដែល​ដឹកនាំ​ដោយ​លោក​ប្រធានរដ្ឋសភា​កូរ៉េខាងជើង Kim Yong-Nam នឹង​ធ្វើ​ដំណើរ​ទស្សនកិច្ច​រយៈពេល​បី​ថ្ងៃ​ទៅកាន់​ប្រទេស​កូរ៉េខាងត្បូង ចាប់ពី​ថ្ងៃ​ទី 9 ខែ​កុម្ភៈ​។ លោក​គីម​យ៉ុង​ណា​ម​ត្រូវបាន​គេ​គ្រោង​នឹង​ចូលរួម​ក្នុង​ពិធី​បើក​កីឡា​អូឡាំពិក មើល​ការប្រកួត​កីឡា​វាយ​កូន​បាល់​លើ​ទឹកកក (Hockey) របស់​ក្រុម​ជម្រើសជាតិ​ស្ត្រី​កូរ៉េ​ទាំង​២​រួមគ្នា ក៏​ដូចជា​ការបង្ហាញ​លើក​ទី​ពីរ​នៃ​ក្រុម​សិល្បៈ​លើក​ទី II របស់​កូរ៉េ​ខាងជើង​។​

​នៅ​ក្រោម​កិច្ច​ព្រមព្រៀង​មួយ រវាង​កូរ៉េ​ខាងត្បូង និង​កូរ៉េខាងជើង​កីឡាករ និង​មន្ត្រី​នៃ​កូរ៉េ​ទាំង​ពីរ​នឹង​ដើរ​ក្បួន​នៅក្នុង​ក្រុម​មួយ នៅ​ឯ​ពិធី​បើក​អូឡាំពិក​ Pyeongchang នៅ​យប់​នៃ 9/2 នេះ​។ នេះ​គឺជា​លើក​ទី​បួន​ហើយ​ដែល​ក្បួន​ដង្ហែរ​ពីរ បាន​ដើរ​ក្បួន​តែមួយ​នៅឯ​ព្រឹត្តិការណ៍​អូឡាំពិក​។​

​កាលពីមុន​កូរ៉េ​ទាំងពីរ បាន​បង្កើត​ក្រុម​ប្រកួតប្រជែង​រួម​នៅក្នុង​ការប្រកួត​ដណ្តើម​ជើងឯក​ពិភពលោក​សម្រាប់​កីឡា​វាយ​កូន​បាល់​លើ​តុ និង​កីឡា​បាល់ទាត់​វ័យក្មេង ប៉ុន្តែ​មិន​ដែល​មាន​ក្រុម​រួម​នៅ​កីឡា​អូឡាំពិក​ទេ​៕ ចន្ទ្រា​

spot_img
×