អ្នកដំណើរនៃរថយន្តក្រុងសាធារណៈ១គ្រឿង នៅក្នុងចក្រភពអង់គ្លេស បានក្តីក្រហាយយ៉ាងខ្លាំង ចំពោះទង្វើរបស់ស្ត្រីម្នាក់ ដែលបានបង្ហាញខ្លួនក្នុងកាយអាក្រាត និងទៅចូលដេកនៅពីមុខកង់រថយន្ត ដែលបណ្តាលឲ្យខកពេលវេលាធ្វើដំណើររបស់ពួកគេជាច្រើនម៉ោង ។
ស្ត្រីនោះដែលពុំត្រូវបានគេស្គាល់អត្តសញ្ញាណ បានបង្ហាញខ្លួនស្ថិតក្នុងស្ថានភាពស្លៀកតែខោលីអូពណ៌ខ្មៅ និងគ្មានអាវទ្រនាប់ មុនពេលចូលទៅដេកនៅលើផ្លូវ និងរារាំងខរថយន្តក្រុងលេខ ៣៦៤ ។
រថយន្តក្រុងបានចូលទៅកៀកស្ត្រីអាក្រាតរូបនោះ ខណៈបន្លឺស៊ីផ្លេខ្លាំង និងបើកភ្លើង ប៉ុន្តែ ស្ត្រីរូបនោះ ពុំងើបចេញនោះទេ បើជាកង់រថយន្តជល់នឹងខ្លួនរបស់នាងក៏ដោយ ។
អ្នកបើកបរបានចាប់ផ្តើមថតហេតុការណ៍នេះ និងនិយាយថា ស្ត្រីនេះបានធ្វើរឿងនេះជាប្រចាំ បង្កឲ្យស្ទះចរាចរណ៍ជាញឹកញាប់ ។
ដំបូងឡើយ ស្ត្រីនេះយកដៃគ្របដើមទ្រូងរបស់នាង និងដៃម្ខាងទៀត បានយកគ្របមុខ ។ នៅពេលនាងបានឃើញអ្នកបើកបរថត នាងក៏បានបញ្ចេញឲ្យឃើញដើមទ្រូង និងមុខមាត់ ហើយព្រមទាំងសើចមួយទំហឹងតែម្តង ខណៈដេកលើផ្លូវ ។
វីដេអូនៃស្ត្រីអាក្រាតនេះ ត្រូវបាបង្ហោះចូល Instagram ដែលជាកន្លែងវាទទួលបានការចែករំលែកយ៉ាងផុសផុល ។
អ្នកនាំពាក្យដឹកជញ្ជូនក្រុងឡុងដ៍ និយាយថា ពួកគេបានទទួលវីដេអូនេះ និងកំពុងបើកការស៊ើបអង្កេតស្ត្រីរូបនោះផងដែរ ។
នាងនឹងប្រឈមមុខបទចោទប្រកាន់ច្រើន ក្នុងនោះមានការបញ្ចេញភាពមិនសមរម្យនៅទីសាធារណៈ និងការរំខានចរាចរណ៍ ៕ ចន្ទី
