Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ហ្វីលីពីន​លុប​កុងត្រា​ទិញ​ឧទ្ធម្ភាគចក្រ​កាណាដា បន្ទាប់​ពី​កាណាដា រិះគន់​រឿង​រំលោភ​សិទ្ធិមនុស្ស​

spot_img

លោក​ប្រធានាធិបតី​ហ្វីលីពីន ឌុយ​ទែរ​តេ​បានបញ្ជានា​ថ្ងៃ​សុក្រ ទី​៩ កុម្ភៈ ឲ្យ​លុបចោល​កុងត្រា​ទិញ​ឧទ្ធម្ភាគចក្រ​ពី​ក្រុមហ៊ុន​កាណាដា Bell ចំនួន ១៦​គ្រឿង ដែល​មាន​ទឹកប្រាក់​សរុប​ចំនួន ២៣៥​លាន​ដុល្លារ​អាមេរិក​។ ការសម្រេច​របស់​លោក​ឌុយ​ទែរ​តេ​ដូចនេះ​បាន​ធ្វើឡើង មួយ​ថ្ងៃ​ក្រោយ​ពី​រដ្ឋាភិបាល​កាណាដា​របស់​លោកនាយក​រដ្ឋមន្ត្រី Justin Trudeau បាន​រិះគន់​លើ​ការរំលោភ​សិទ្ធិមនុស្ស​នៅក្នុង​ប្រទេស​ហ្វីលីពីន​។​

​លោក​ប្រធានាធិបតី​ហ្វីលីពីន​ឌុយ​ទែរ​តេ​ថ្លែង​: « ខ្ញុំ​ចង់​និយាយប្រាប់​កងទ័ព​ឲ្យ​លុប​កុងត្រា​ទិញ​ឧទ្ធម្ភាគចក្រ​ពី​ប្រទេស​កាណាដា​។ លុប​កុងត្រា​នោះ​ចោល​ទៅ ហើយ​យើង​នឹង​រក​ទិញ​ពី​ប្រទេស​ផ្សេង​វិញ »​។​
​ការសម្រេច​របស់​លោក​ឌុយ​ទែរ​តេ​ពេល​នេះ​បាន​ធ្វើឡើង បន្ទាប់​ពី​រដ្ឋាភិបាល​កាណាដា​របស់​លោកនាយក​រដ្ឋមន្ត្រី Justin Trudeau បាន​គំរាម​នា​ថ្ងៃ​ព្រហស្បតិ៍ ទី​៨ កុម្ភៈ​ថា នឹង​បញ្ឈប់​កុងត្រា​លក់​ឧទ្ធម្ភាគចក្រ​ទៅ​ឲ្យ​កងទ័ព​ហ្វីលីពីន​ដែល​បាន​ចុះហត្ថលេខា​ក្នុង​ខែ​ធ្នូ ឆ្នាំ ២០១៧​។ លោកស្រី​ប្រមុខ​ការទូត​កាណាដា Chrystia Freeland ថ្លែងថា​: « លោកនាយក​រដ្ឋមន្ត្រី និង​រូបខ្ញុំ​ផ្ទាល់​បាន​មើល​ឃើញ​យ៉ាង​ច្បាស់​ពី​ការរំលោភ​បំពាន​សិទ្ធិមនុស្ស និង​ការសម្លាប់​មនុស្ស​ក្រៅ​ប្រព័ន្ធ​តុលាការ​នៃ​របប​ដឹកនាំ​របស់​លោក​ឌុយ​ទែរ​តេ » ។ នៅ​កាណាដា កុងត្រា​លក់​ឧទ្ធម្ភាគចក្រ​ទៅ​ឲ្យ​កងទ័ព​ហ្វីលីពីន​ក៏​ទទួលបាន​ការរិះគន់ ទិតៀន​ចាស់ដៃ​ពី​គណបក្ស​ប្រឆាំង​ក្នុង​រដ្ឋាភិបាល​របស់​លោក Trudeau ដែល​បារម្ភ​ពី​ការ​ដែល​កងទ័ព​ហ្វីលីពីន​យក​ឧទ្ធម្ភាគចក្រ​ទាំងនោះ​ទៅ​សម្លាប់​ជន​ស៊ីវិល​ស្លូតត្រង់​។
​លោក​ឌុយ​ទែរ​តេ​ខ្លួនឯង​បាន​សារភា​ព​ថា​:​ពិតជា​រឿង​ចៀស​មិន​រួច​ដែល​ឧទ្ធម្ភាគចក្រ​ទិញ​ពី​កាណាដា​នឹង​ត្រូវ​យក​ទៅ​ប្រើ​នៅ​ក្នុង​យុទ្ធនាការ​ប្រយុទ្ធ​ប្រឆាំង​នឹង​ពួក​ឧទ្ទាម និង​ពួក​ភេរ​វជន​។​

កងទ័ព​ហ្វីលីពីន​បាន​ប្រើ​ឧទ្ធម្ភាគចក្រ និង​យន្តហោះ​ចម្បាំង​ផ្សេងទៀត​ជាមួយនឹង​កម្លាំង​ថ្មើរជើង​ដើម្បី​វាយប្រហារ​លើ​ជម្រក​របស់​ពួក​ទ័ពព្រៃ​កាន់​សាសនា​អ៊ីស្លាម និង​របស់​ពួក​ឧទ្ទា​មកុ​ម្មុយ​និស្ត​នៅ​ទីកន្លែង​ជា​ច្រើន​។ យ៉ាងណាក៏ដោយ ភាព​ប្រទូ​ស្ត្រាយ​រវាង​ហ្វីលីពីន និង​កាណាដា​ពេលនេះ​បាន​ធ្លាក់​មក ចំ​ពេល​ដែល​តុលាការ​ព្រហ្មទណ្ឌ​អន្តរជាតិ​ក្រុងឡាអេ​ទើប​បាន​ប្រកាស​ពី​ការបើក​ស៊ើបអង្កេត​បឋម​លើ​សំណុំរឿង​ចោទ​លោក​ឌុយ​ទែរ​តេ​ពី​បទ​ធ្វើ​ឲ្យ​មាន​មនុស្ស​ស្លាប់​ជា​ច្រើន​ពាន់​នាក់​នៅក្នុង​នយោបាយ​ប្រឆាំង​គ្រឿងញៀន​របស់​លោក​៕​

spot_img
×