Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

EU ព្រមាន​ថា អាច​ពុំមាន​កិច្ចព្រមព្រៀង​សម្រាប់​ដំណាក់កាល​ផ្ទេរ​បន្ត​របស់ Brexit ចាកចេញ​ពី​អឺរ៉ុប​

spot_img

​ក្នុង​ជំនួប​នៅ​ក្រុង​ឡុង នៅ​ថ្ងៃ​ទី​៩ កុម្ភៈ ប្រធាន​ប្រតិភូ​ចរចា​របស់​សហគមន៍​អីរ៉ុប (EU) Michel Barnier អះអាងថា មាន​ការខ្វែងគំនិត​យ៉ាង​ខ្លាំង​ជាមួយ​អង់គ្លេស​ពី​ដំណាក់កាល​បន្ត​ផ្ទេរ​ចេញ​របស់​ប្រទេស​នេះ​ពី EU ឬ​គេ​ហៅថា Brexit​។ ព្រមជាមួយ​នោះ ការព្រមាន​ពី​រឿងនេះ វា​បង្ហាញឲ្យឃើញ​កត្តា​ពុំ​ធនា​ព្រម​ព្រៀងបាន​រវាង​ភាគី​ទាំងពីរ​។​

​ថ្លែង​ក្នុង​សន្និសីទ​សារព័ត៌មាន​នៅ Brussels ក្រោយ​កិច្ចចរចា​ជាមួយ​អង់គ្លេស លោក Barnier សង្កត់ធ្ងន់​ថា ប្រសិនបើ​ក​ការខ្វែងគំនិត​នេះ នៅ​អូសបន្លាយ​នោះ ដំណាក់កាល​ផ្ទេរចេញ​ពី EU របស់​អង់គ្លេស និង​ពុំ​អាចអនុវត្ត​បាន​។​

​តាម​មន្ត្រី​រូបនេះ គឺ​ភាគី​ទាំងសងខាង​បន្ត​ខ្វែងគំនិត​កាន់តែខ្លាំង​ឡើង ជុំវិញ​សិទ្ធិ​របស់​ពលរដ្ឋ EU ដែល​បាន​ប្តូរ​ទៅ​រស់នៅ​អង់គ្លេស ក្នុងអំឡុងពេល​ចរចា​អូសបន្លាយ ២១​ខែ កន្លងមក ក៏​ដូច​ជា​ទង្វើ​ដែល​អង់គ្លេស​បាន​ទាត់ចោល​នូវ​ច្បាប់​ថ្មីៗ​របស់ EU ត្រូវបាន​បង្កើតឡើង ក្នុងដំណាក់កាល​នេះ​។​

​ទោះ​យ៉ាងណា​ក៏​លោក​សង្ឃឹមថា ភាគី​ទាំងសងខាង​អាច​ដោះស្រាយ​នូវ​ការខ្វែងគំនិត​ទាំងនេះ​ក្នុង​ជុំ​ចរចា​បន្តទៀត​។​

​មុន​នោះ​រដ្ឋមន្ត្រី​អង់គ្លេស​ទទួលបន្ទុក Brexit, David Davis នៅ​ថ្ងៃ ៨ កុម្ភៈ បាន​ស្តីបន្ទោស​អ៊ី​យូ​ថា “​ទង្វើ​ខ្វះ​សុ​ឆន្ទៈ​” គ្រា​លើកឡើង​ផែនការ​ដាក់ទណ្ឌកម្ម​ក្រុង​ឡុង ប្រសិនបើ​ប្រទេស​នេះ​បំពាន​នូវ​បទ​កំណត់​ទាំងឡាយ​ដែល EU បាន​ដាក់ចេញ​ក្នុងអំឡុងពេល​ដែល​អង់គ្លេស ធ្វើ​ការផ្ទេរ​ចាកចេញ​ពី “​ដំបូល​ផ្ទះ​រួម​ទ្វីបអឺរ៉ុប​”​។​

​ប្រតិកម្ម​នឹង​សេចក្តីថ្លែងការណ៍​នេះ លោក Barnier អះអាងថា EU ពុំ​មាន​បំណង​ដាក់ទណ្ឌកម្ម​ឡើយ ប៉ុន្តែ​វា​គឺជា​ស្តង់ដា សម្រាប់​ធ្វើឲ្យ​កិច្ចព្រមព្រៀង​អន្តរជាតិ​ទាំងឡាយ​អនុវត្ត​ទៅ​បាន​យ៉ាងម៉ឺង​ម៉ាត់ និង​មាន​ប្រសិទ្ធភាព​។​

​តាម​នោះ​បណ្តា​វិធានការ​ដែល​EU បំរុង​ដាក់ទណ្ឌកម្ម​រួម​មាន​ការបង្កើត​របាំង​ពន្ធដារ និង​ការត្រួតពិនិត្យ​គយ​លើ​ទំនិញ​ដែល​អង់គ្លេស​នាំចូល EU​។​

​បច្ចុប្បន្ន​ទាំង​ក្រុង London និង Brussels សុទ្ធសឹង​សង្ឃឹមថា មាន​ការបញ្ចប់​មួយ​សម្រាប់​កិច្ចចរចា​នៅ​អំឡុង​ខែ​មីនា ២០១៨​ខាងមុខ​៕ អាគ្នេយ៍​

spot_img
×