Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ពង្រាយ​កម្លាំង ១៦ គោលដៅ ស្ទាក់​ចាប់​រថយន្ត​ត​ទ្រុង​ខុស​លក្ខណៈ​បច្ចេកទេស បាន​ជិត​៥០០​គ្រឿង នៅ​រាជធានី​ភ្នំពេញ​

spot_img

​ភ្នំពេញ​៖ អាជ្ញាធរ​រាជធានី​ភ្នំពេញ​បាន​ចេញ​ប្រតិបត្តិការ​យ៉ាង​សកម្ម​និង​ម៉ឺងម៉ាត់ ដោយ​ដាក់​ចេញ​ជា​គោលដៅ​រហូតដល់​១៦​គោលដៅ​និង​បាន​ឃាត់​រថយន្ត​ធុន​ធ្ងន់ សរុប​ចំនួន ៤៨៤​គ្រឿង​ផង​ដែរ សម្រាប់​រយៈពេល​មួយ​យប់​ថ្ងៃ​ទី​៩​ឆ្លង​ថ្ងៃទី​១០​កុម្ភៈ​នេះ​។​

​លោក សាំ ពិសិដ្ឋ នាយក​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ បានឲ្យដឹងថា នៅវេលា​ម៉ោង ០០​យប់​ឈានចូល​ថ្ងៃទី​១០​ខែ​កុម្ភៈ​ឆ្នាំ​២០១៨ គណៈបញ្ជាការ​ឯកភាព​រាជធានី​ភ្នំពេញ បាន​បញ្ជារ​ដល់​សមត្ថ​កិច្ច​ចម្រុះ​រួមមាន ស្នងការ​នគរបាល​រាជធានី​ភ្នំពេញ បញ្ជារ​ការ​រាជ​អាវុធ​រាជធានី​ភ្នំពេញ រដ្ឋបាល​ខណ្ឌ​ទាំង​១២ និង​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ចុះ​ត្រួតពិនិត្យ​ចាប់​រថយន្ត​ត​ទ្រុង​ខុស​លក្ខណៈ​បច្ចេកទេស​នៅ​តាម​ទីតាំង​គោលដៅ​ចំនួន ១៦​កន្លែង​ក្នុង​រាជធានី​ភ្នំពេញ​។​

​លោក សាំ ពិសិដ្ឋ បានឲ្យដឹង​ទៀតថា លទ្ធផល​ប្រតិបត្តិការ​កាល​ពី​យប់មិញ បាន​ត្រួតពិនិត្យ​រថយន្ត​ធុន​ធ្ងន់​សរុប​ចំនួន ៤៨៤​គ្រឿង ក្នុងនោះ​មាន​​រថយន្ត​ត​ទ្រុង​ខុស​លក្ខណៈ​បច្ចេកទេស​ចំនួន ៦​គ្រឿង​ ​រថយន្ត​ល្មើសច្បាប់​ចរាចរ គ្មាន​ឯកសារ​ចំនួន ៥០​គ្រឿង រថយន្ត​ត្រឹមត្រូវ​តាម​ច្បាប់​ចំនួន ៤២៨​គ្រឿង​។​

គួរ​បញ្ជាក់​ផង​ដែរ​ថា ក្នុង​ឆ្នាំ​២០១៧​កន្លងមកនេះ រាជរដ្ឋាភិបាល​បាន​ត្រួតពិនិត្យ​រថយន្ត​ធ្វើ​ចរាចរណ៍​ចំនួន ៩២៣.៦៥៧​គ្រឿង ក្នុងនោះ រថយន្ត ២.៩៥៣​គ្រឿង ដឹក​លើស​ទម្ងន់​ចាប់ពី ៤​តោន រហូតដល់ ៤៣​តោន និង​បាន​ផាក​ពិន័យ​ជា​ទឹកប្រាក់​ចំនួន ៥.៧៧៨.៨២០.០០០​រៀល​ផង​ដែរ ។​

​គួររំលឹកថា សម្តេច​តេជោ ហ៊ុន សែន​ដាក់​ឱសានវាទ ចាប់ពី​ម៉ោង​០០​យប់​ថ្ងៃ​ទី​៩​កុម្ភៈ​នេះ​តទៅ គ្មាន​វត្ត​មាន​ឡាន ត​ទ្រុង លើ​ដងផ្លូវ​ទៀតឡើយ​។ បើ​មាន​នៅ​តំបន់​ណា ភូមិសាស្ត្រ​ណា ចៅហ្វាយខេត្ត និង​ក្រុង​នោះ ជា​អ្នកទទួលខុសត្រូវ​។ បើ​នរណា​មក​តវ៉ា​ឬ​អ្នក​កាង ទោះជា​ឋានៈ​ណាក៏ដោយ ក៏​ធ្លាក់​បុណ្យស័ក្តិ​ទាំងអស់ និង​បញ្ចូល​ព្រៃ​ស​តែម្តង ៕​ ដោយ​៖​កូឡាប​

spot_img
×