តារាសម្តែងដ៏មានទេពកោសល្យខ្ពស់ និងត្រូវគេចាត់ទុកថាជាមាតាចិត្តធម៌ ដោយសារបានទទួលចិញ្ចឹមក្មេងកំព្រា និងធ្វើការបរិច្ចាគលុយជាច្រើនទៅកាន់អង្គការមនុស្សធម៌ជាច្រើនលើពិភពលោក គឺអ្នកស្រី Angelina Julie បានធ្វើឲ្យអ្នកគាំទ្រកម្ពុជាភ្ញាក់ផ្អើលនិងសម្រស់អ្នកស្រីសាជាថ្មីពេលឃើញរូបភាពរបស់អ្នកស្រីកាលពីវ័យជំទង់។
ក្រោយរូបភាពស្ថិតនៅក្នុងវ័យជំទង់របស់អ្នកស្រីចំនួន៤សន្លឹក ត្រូវបានបង្ហោះទៅក្នុងបណ្តាញសង្គមហ្វេសបុក បានធ្វើឲ្យអ្នកគាំទ្ររបស់យើងចំហមាត់ ស្ងើចសសើរ ស្ទើរតែមិនជឿនឹងភ្នែកថាជាអ្នកស្រី នោះក៏ដោយសារតែពួកគេមិនដែលដឹងថាពីក្មេងអ្នកស្រីស្រស់ស្អាតដល់ម្លឹង ព្រោះធ្លាប់តែឃើញអ្នកស្រីតាមរយៈការសម្តែងរឿងថ្មីៗដែលទើបថត។ ក៏មានអ្នកគាំទ្រមួយចំនួន បាននិយាយថាបើមិនប្រាប់ឈ្មោះ ប្រាកដណាស់ថាមិនស្គាល់ព្រោះស្រស់ស្អាតខ្លាំង រកចំនុចទាស់មិនឃើញ សូម្បីតែខ្លួនជាស្រីក៏មានអារម្មណ៍ថាលង់ស្រឡាញ់ដែរ។
បើនិយាយពីមូលហេតុដែលអ្នកស្រី Angelina Julie ល្បីល្បាញមកដល់សព្វថ្ងៃនិងមានអ្នកគាំទ្រជុំវិញពិភពលោកនោះ គឺមិនត្រឹមតែស្រស់ស្អាតតែមួយមុខនោះទេ អ្នកស្រីថែមទាំងជាតារាសម្តែងម្នាក់ដែលមានទេពកោសល្យខ្ពស់ មានភាពសប្បុរស បានជួយគាំទ្រទាំងថវិកាស្មារតីដល់អង្គការសប្បុរសជាច្រើនលើពិភពលោក។
ហើយបើនិយាយពីប្រទេសកម្ពុជាយើងវិញ អ្នកស្រីថែមទាំងបានទទួលក្មេងប្រុសកំព្រាកម្ពុជាម្នាក់ ចេញបីមណ្ឌលក្មេងកំព្រាយកទៅចិញ្ចឹមបីបាច់ទំនុកបម្រុងយ៉ាងល្អប្រសើរ ហើយក្រោយពីបានទទួលសញ្ជាតិខ្មែរ អ្នកស្រីក៏បានចំណាយថវិកាយ៉ាងច្រើនទិញដី ដែលជាជម្រកសត្វព្រៃកម្រដើម្បីអភិរក្ស និងការពារពីការកាប់បំផ្លាញរបស់ជនទុច្ចរិតផងដែរ។
គួរបញ្ជាក់ថា ភាពស្រស់ស្អាតរបស់អ្នកស្រី Angelina Julie គឺជាសម្រស់ស្រស់ស្អាតពីធម្មជាតិ មិនមានការកែរសម្ផស្សអ្វីឡើយ ហើយអ្នកស្រីក៏ទំនងជាមិនចូលចិត្តកែសម្ផស្សផងដែរ ព្រោះអ្នកស្រីបានបណ្តោយឲ្យរូបសម្រស់របស់ខ្លួនចាស់ទៅតាមវ័យ ដែលខុសឆ្ងាយពីតារាសម្តែងមួយចំនួន ដែលពួកគេយកចិត្តទុកដាក់និងផ្តោតលើភាពក្មេងជាងវ័យជាចម្បង ហើយតែងតែធ្វើការកែកុនគ្រប់កន្លែងដែលពួកគេយល់ថាទាស់ចិត្ត ដើម្បីពន្យារភាពចាស់រហូតដល់ពេលខ្លះកែខុសទៅជាអាក្រក់ មើលជាងចាស់បែបធម្មជាតិទៅទៀត៕ ដោយ៖ កូលាប ក្រហម
