Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ជំរុញ​មន្ត្រី​ពង្រឹង​ការងារ​បក្ស​ជាមួយ​សមាជិក​បក្ស និង​ពលរដ្ឋ នៅ​ស្រុក​សង្គម​ថ្មី​

spot_img

ព្រះវិហារ ៖ ប្រធាន​ក្រុមការងារ​ថ្នាក់​កណ្តាល​គណបក្ស​ប្រជាជន​កម្ពុជា​ចុះ​ជួយ​ស្រុក​សង្គម​ថ្មី​ខេត្ត​ព្រះវិហារ​បាន​ជម្រុញ​មន្ត្រី​គណបក្ស​គ្រប់​ថ្នាក់​បន្ត​ពង្រឹង​ការងារ​គណបក្ស​ជាមួយ​សមាជិក​គណបក្ស​ដោយ​ចុះ​ប្រជុំ​និង​ចុះ​ជួប​ដោះស្រាយ​បញ្ហា​ឬ​សំណូម​នានា​របស់​សមាជិក ក៏ដូចជា​ពលរដ្ឋ​តាម​សហគមន៍​មូលដ្ឋាន​ជាប្រចាំ ហើយ​មិន​ត្រូវ​ធ្វេសប្រហែស​ឡើយ​។​

លោក ផាន់ សាម​ន្ថា សមាជិក​គណកម្មាធិកា​រ​កណ្តាល​គណបក្ស​ប្រជាជន​កម្ពុជា​-​អនុប្រធាន​ក្រុមការងារ​ថ្នាក់​កណ្តាល​គណបក្ស​ប្រជាជន​កម្ពុជា​ចុះ​ជួយ​ខេត្ត​ព្រះវិហារ​និង​ក៏​ជា​ប្រធាន​ក្រុមការងារ​ថ្នាក់កណ្តាល​ចុះជួយ​ស្រុក​សង្គម​ថ្មី​មាន​ប្រសា​សន័​បែបនេះ​ទៅ​កាន់​មន្ត្រី​និង​សមាជិក​គណបក្ស​ប្រជាជន​កម្ពុជា​ទូទាំង​ស្រុក​សង្គម​ថ្មី​ជាង​២០០ នាក់​កាលពី​ថ្ងៃ​ទី​៩​កុម្ភ​:​ឆ្នាំ​២០១៨ ក្នុងឱកាស​ធ្វើការ​ផ្សព្វផ្សាយ​សេចក្តីសម្រេច​ចិត្ត​នៃ​មហាសន្និបាត​វិសាមញ្ញ​តំណាំង​ទូទាំងប្រទេស គណបក្ស​ប្រជាជន​កម្ពុជា​។​

លោក សំ ហេង ប្រធាន​គណបក្ស​ប្រជាជន​កម្ពុជា​ស្រុក​សង្គម​ថ្មី​បាន​ស្វាគមន៍​និង​លើក​ឡើង​ពី​សភាពការណ៍​ទូទៅ​និង​សកម្មភាព​ការងារ​គណបក្ស​នៅ​ស្រុក​និង​នៅ​ឃុំ​ទាំង​៥​របស់​ស្រុក​សង្គម​ថ្មី​នា​រយ​:​ពេល​ចុង​ក្រោយ​នេះ ថា​នៅ​តែ​ត្រូវបាន​ពង្រឹង​ជា​ប្រចាំ​ដែរ​។​

ចំណែក​លោក វ៉ា សេដ្ឋា អនុប្រធាន​គណបក្ស​ប្រជាជន​កម្ពុជា​ស្រុក​សង្គម​ថ្មី​បាន​អាន​សេចក្តីសម្រេចចិត្ត​នៃ​មហាសន្និបាត​វិសាមញ្ញ​តំណាង​ទូទាំង​ប្រទេស​នៃ​គណបក្ស​ប្រជាជន​កម្ពុជា​ដែល​បាន​ដំណើរការ​កាលពី​ថ្ងៃ​ទី​១៩-២១​មករា​ឆ្នាំ​២០១៨ កន្លងមក ដែលមាន​៧​ចំនុច​សំខាន់ៗ​និង​គោលនយោបាយ​សំខាន់ៗ​នៃ​កម្មវិធី​នយោបាយ​របស់​គណបក្ស​ប្រជាជន​កម្ពុជា​សម្រាប់​ការបោះឆ្នោត​ព្រឹទ្ធសភា​និតិ​កាល​ទី​៤ នា​ថ្ងៃ​ទី​២៤​កុម្ភ​:​ដ៏​ខ្លី​ខាងមុខ​។​

ដើម្បី​អោយ​ជ្រួតជ្រាប​និង​ដូចជា​ពញ្ញាក់​ស្មារតី​បន្ថែម​លើ​ខ្លឹមសារ​ទាំងនោះ លោក ផាន់ សាម​ន្ថា បាន​រំលឹក​និង​ជម្រូញ​អោយ​មន្ត្រី​គណបក្ស​ក្នុង​ក្រុមការងារ​ចុះ​ជួយ​និង​ក្នុង​មូលដ្ឋាន​និមួយៗ​បន្ត​ចុះ​ផ្សព្វផ្សាយ​បន្ថែម​ដល់​គ្រប់​គោលដៅ​ផង​និង​ចុះ​ដោះស្រាយ​សេចក្តីត្រូវការ​និង​សំណូមពរ​ក៏ដូចជា​ប្រាស្រ័យ​សួរសុខទុក្ខ ចិញ្ចឹម​ចលនា​ទស្សន​:​នយោបាយ​គណបក្ស​ជាមួយ​សមាជិក​និង​ពលរដ្ឋ​រស់​រវើក​ជា​ប្រចាំ​ផង ប្រយោជន៍​ដើម្បី​អោយ​ពួក​គាត់​បន្ត​ជឿជាក់​និង​បោះឆ្នោត​ជូន​គណបក្ស​ប្រជាជន​កម្ពុជា​គ្រប់​ការ​បោះឆ្នោត​ទាំងអស់​។​

ក្នុងនោះ លោក​បាន​រំលឹក​ពី​ប្រវត្តិ​ខ្លី​និង​អត្ថន័យ​សំខាន់​នៃ​មហាសន្និបាត​សាមញ្ញ​និង​មហាសន្និបាត​វិសាមញ្ញ​និង​សេចក្តី​សម្រេចិត្ត​របស់​អង្គការ​ចាត់តាំ​ង​នយោបាយ​កំពូល​នេះ​ក្នុង​ការដាក់ចេញ​នូវ​គោលនយោបាយ​អោយ​រាជរដ្ឋាភិបាល​អនុវត្ត​លើក​ការអភិវឌ្ឍន៍​និង​ការពារ​ជាតិ​មាតុភូមិ​និង​ប្រជាជន​កម្ពុជា​អោយ​រីកចម្រើន​និង​រឹងមាំ​បន្ត​។​

លោក​ផាន់ សាម​ន្ថា បាន​ឆ្លៀត​លើកឡើង​ពី​តួនាទី ភារកិច្ច​បន្ទាន់ បន្តបន្ទាប់​ចំពោះ​មុខ​និង​ទៅ​ខាង​មុខ​របស់​មន្ត្រី​ក្រុមការងារ​គណបក្ស​ចុះជួយ​គ្រប់​ថ្នាក់ មន្ត្រី​គណបក្ស​មូលដ្ឋាន​និង​សមាជិក​គណបក្ស​ថា​ត្រូវតែ​អនុវត្ត​អោយបាន​សម្រេច​ជោគជ័យ​ក្នុង​ប្រៀប​ឈ្នះ​របស់​ខ្លួន​ផង​ដែរ​។​

ក្នុងនោះ​គណបក្ស​ស្រុក​និង​គណបក្ស​ឃុំ​ទាំង​៥​គឺ​ឃុំ​ចំរើន ឃុំ​រណសិរ្ស ឃុំ​ស្តៅ ឃុំរ​អាង​និង​ឃុំ​ត្បែង​១ ទោះជា​ភូមិសាស្ត្រ​នៅ​ដាច់​ឆ្លា​យៗ​ក័​ត្រូវ​ធ្វើ​អោយ​សកម្ម​ផុលផុស ហើយ​មិន​ត្រូវ​មើលស្រាល​សភាពការណ៍​ឬ​ធ្វេសប្រហែស​ឡើយ​បើ​ទោះបីជា​គណបក្ស​សង្គ្រោះ​ជាតិ​ជា​គណបក្សប្រឆាំង​ត្រូវបាន​រំលាយ​ព្រោះតែ​មាន​បទល្មើស​ក្បត់ជាតិ​នោះ​ក៏​ដោយ​។​

ជាងនេះទៅទៀត លោក​ផាន់ សាម​ន្ថា បាន​ពន្លេច​អភិក្រម​សំខាន់​១​ក្នុងចំណោម​៤ របស់​សម្តេច​តេជោ​ហ៊ុន សែន ប្រមុខ​គណបក្ស​ប្រជាជន​កម្ពុជា​និង​ជា​ប្រមុខ​រាជរដ្ឋាភិបាល​បាន​ដាក់​ចេញ​នោះ​គឺ​ចំណុច​វះកាត់ ដែល​ត្រូវ​វះកាត់​ចេញ​នូវ​មន្ត្រី​ឬ​បុគ្គល​គណបក្ស​ឬ​ជា​មន្ត្រី​អាជ្ញាធរ​ដែនដី សមត្ថកិច្ច​កងកម្លាំង​ណាមួយ​ដែល​ធ្វើអោយ​បាត់បង​ផលប្រយោជន៍​ប្រជាពលរដ្ឋ , ធ្វើអោយ​បាត់បង់​ប្រជាប្រិយភាព​រាជរដ្ឋាភិបាល​និង​ប្រជា​ប្រិត​ភាព​គណបក្ស​ប្រជាជន​កម្ពុជា​នោះ​។​ ដូច្នេះ​មន្ត្រី​ត្រូវតែ​បន្ត​ធ្វើ​ល្អ​និង​បម្រើ​ពលរដ្ឋ​អោយ​ទន់ភ្លន់ រហ័ស​បំផុត​៕​ ដោយ ៖ បន្ទាយ

spot_img
×