ភ្នំពេញ៖បុរស២នាក់រងរបួសធ្ងន់ ក្រោយពេលជនសង្ស័យចំនួន៤នាក់ វាយទៅលើជនរងគ្រោះដោយមានប្រដាប់ទៅដោយទីប និងកាំភ្លើងខ្លីបណ្តាលឲ្យរងរបួសបែកក្បាល។
ហេតុការណ៍នេះស្ថិតនៅតាមបណ្តោយផ្លូវមុន្នីវង្សកែងនឹងផ្លូវ១២៦ ក្នុងសង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ នៅវេលាម៉ោង១០និង០០នាទី ថ្ងៃទី៨ ខែតុលា ឆ្នាំ២០២០។
បើតាមការបញ្ជាក់ពីជនរងគ្រោះបានថ្លែងប្រាប់អង្គភាពសារព័ត៌មានCEN ថាមុនពេលកើតហេតុខ្លួនរួមជាមួយនិងអ្នកបេីកឡានដូចគ្នា ក៏បានមកឈប់ចតឡាននៅតាមបណ្តោយផ្លូវមុន្នីវង្ស នៅមុខនិងហាងពេជ្រ អ៊ឹង មួយគៀង ដោយពួកគេឈប់ចាំភ្ញៀវរបស់ខ្លួនដែលចូលហាងញាំអីនៅកែងហ្នឹងផ្លូវ១២៦ ស្រាប់តែភ្លាមនោះជនសង្ស័យចំនួន៤នាក់ ដោយប្រដាប់ទៅដោយកាំភ្លើងខ្លី និងដែកបំពង់ទីបមកវាយទៅលើជនរងគ្រោះបណ្តាលឲ្យបែកក្បាលទាំងពីរនាក់តែម្តង ដោយសារតែខឹងគេឈប់ចតឡានកន្លែងរបស់ខ្លួនយាមរបស់។
បន្ទាប់ពីធ្វើសកម្មភាពវៃទៅលើជនរងគ្រោះបណ្តាលឲ្យបែកក្បាលរួចជនសង្ស័យទាំងបួននាក់ រត់គេចខ្លួនទៅបាត់តែម្តង។
ក្រោយពេលកើតហេតុជនរងគ្រោះទាំងពីរនាក់ ក៏បានទៅដាក់ពាក្យបណ្តឹងទៅកាន់ប៉ុសិ៍នគរបាលដ្ឋបាលផ្សារថ្មី២ ដើមរងចាំសមត្ថកិច្ចធ្វើការឃាត់ខ្លួនជនសង្ស័យ ដើម្បីយកជនសង្ស័យមកដាក់ទោសទៅតាមច្បាប់៕ដោយ៖សាមេត
