ភ្នំពេញ៖ បើតាមការផ្សព្វផ្សាយព័ត៌មានរបស់ព្រះបរមរាជវាំង Royal du Cambodge ព្រះករុណាជាអម្ចាស់ជីវីតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាមានព្រះរាជបន្ទូលថា «ជនរួមជាតិ មាមីង បងប្អូន កូនក្មួយ លោកអ្នកជាទីគោរពស្នេហា នៅក្នុងជីវិតខ្ញុំនេះ និងជារៀងដរាប ខ្ញុំជាអ្នកបម្រើដោយក្តីស្វាមីភក្តិ និងមានភក្តីភាពជានិច្ច ជាមួយជនរួមជាតិ មាមីង បងប្អូន កូនក្មួយ អស់លោកអ្នកទាំងឡាយ។
ព្រះអង្គមានព្រះរាជបន្ទូលបន្ថែមទៀតថា “ខ្ញុំនឹងនៅជាប់ជិតស្និទ្ធដរាបជាមួយនិងជនរួមជាតិ មាមីង បងប្អូន កូនក្មួយ លោកអ្នកទាំងឡាយ ហើយរួមសុខ រួមទុក្ខ ជាមួយគ្នាដរាប […]។»
ព្រះបរមរាជឱង្ការដ៏ខ្ពង់ខ្ពស់បំផុត នៃព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងថ្ងៃដ៏មហានក្ខត្តឫក្សនៃព្រះរាជពិធីយាងគ្រងព្រះបរមសិរីរាជសម្បត្តិ នាព្រះទីនាំងចន្ទឆាយា ៕ដោយ៖បញ្ញាស័ក្តិ
