កណ្តាល៖ គ្រោះជំនន់ទឹកភ្លៀង ដោយសារព្យុះបង្កឲ្យធ្លាក់ភ្លៀងយ៉ាងគំហុកជាប់ៗគ្នា ក្នុងរយៈពេលជិត១ខែមកនេះ បានធ្វើឲ្យតំបន់ស្រុកជាច្រើននៅតាមបណ្តាខេត្ត និងរាជធានីត្រូវលិចលង់ ដែលបង្កផលប៉ះពាល់យ៉ាងខ្លាំង ដល់ជីវភាព និងការរស់នៅរបស់ប្រជាជន ដែលពេលនេះ ពួកគាត់ពុំទាន់អាចវិលត្រឡប់ពីទីកន្លែងសុវត្ថិភាពទៅកាន់ផ្ទះសម្បែងវិញបាននៅឡើយ។ ពិធីបុណ្យសពនេះ នៅភូមិឆ្មាពួន ក្រុងតាខ្មៅ ខេត្តកណ្តាល។
លើសពីនេះ ទិដ្ឋភាពដ៏សង្វេក ដែលយើងគ្រប់គ្នាធ្លាប់តែឃើញនៅស្រុកគេ ឥឡូវនេះ ស្រុកយើងបានជួបដែរហើយ គឺការដង្ហែសពឆ្លងកាត់ទឹក ដែលឃើញហើយពិតជាអាណោចអាធមខ្លាំងណាស់។ ជាក់ស្តែង សពមួយត្រូវបានដង្ហែបណ្តែតតាមក្បួន កាលពីពេលកន្លងទៅនេះរួចហើយ។
ដោយឡែក ទិដ្ឋភាពហែរសព ចំពេលទឹកជំនន់លិចលង់ភូមិស្រុកមួយទៀត នៅឯខាងស្រុកកណ្តាលស្ទឹងឯណេះវិញ ក៏ពិតជាមហាកម្សត់ខ្លាំងណាស់ដែរ សូមឲ្យវិញ្ញាណក្ខន្ធលោកយាយទៅកាន់សុគតិភព៕ ដោយ៖ លឹម ហុង
