Tuesday, February 27, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សូម​ប្រុងប្រយ័ត្ន​បន្ថែម​! ថា​រួច​តែ​១​ក្បាល​យប់​ក៏​ចាប់បាន​វិញ ស្រាប់តែ​ព្រឹក​ឡើង​ចាប់បាន​ឡាំ​ឌួ​យ​១​ទៀត​ទម្ងន់ 40 kg ដឹក​ផ្អើល​ពេញ​ផ្លូវ (​វីដេអូ​)

spot_img

​បងប្អូន​ប្រជាពលរដ្ឋ ជាពិសេស​នៅរស់​នៅតាម​ដងស្ទឹង និង​ទីកន្លែង​កំពុង​លិច​ទឹក ពិតជា​មានការ​ព្រួយបារម្ភ​ជាខ្លាំង ក្រោយ​ទទួលដំណឹង​កាលពី​ថ្ងៃទី​១៥ ខែតុលា ឆ្នាំ​២០២០ ដោយ​ប្រជាពលរដ្ឋ​នៅ​សង្កាត់​ព្រែកកំពឹស បាន​ប្រាប់ថា មាន​សត្វ​ក្រពើ​មួយ​ក្បាល​ទម្ងន់​ជាង ៣០ គីឡូក្រាម បាន​រួច​ចេញពី​ក្នុង​អាង​ចិញ្ចឹម ក្នុងអំឡុងពេល​ទឹកជំនន់​កាន់តែ​កើនឡើង ក្រោយ​បាក់​ទំនប់​ស្ទឹង​ព្រែក​ត្នោត​។​

​ក្នុងនោះ​ផងដែរ លោក សៅ ពន្លក នាយ​ប៉ុស្ដិ៍នគរបាលរ​ដ្ឋ​បាល សង្កាត់​ព្រែក​កំ​ពិស ក៏បាន​ថ្លែងប្រាប់​អ្នកព័ត៌មាន​ថា ពិតជា​មាន​ករណី​ក្រពើ​១​ក្បាល​ទម្ងន់​ជាង​៣០​គីឡូក្រាម រួច​ចេញពី​ទ្រង់​ប្រាកដ​មែន កាលពី​ព្រឹក​ថ្ងៃទី​១៥ ខែតុលា​។ ហើយ​លោក​ចៅសង្កាត់​ព្រែក​កំ​ពិស ក៏បាន​ណែនាំ​ដល់​ប្រជាពលរដ្ឋ​មូលដ្ឋាន ត្រូវ​បង្កើន​ការប្រុងប្រយ័ត្ន ពិសេស​កូនចៅ​តូចៗ​។​

​ដោយឡែក កាលពី​យប់មិញ​ថ្ងៃទី​១៧ ខែតុលា ឆ្នាំ​២០២០ វេលា​ម៉ោង ៦ និង ៤៥​នាទី សត្វ​ក្រពើ​១​ក្បាល​ដែល​បាន​រួច​ចេញពី​កសិដ្ឋាន​មួយ នៅក្នុង​សង្កាត់​ព្រែកកំពឹស​ខណ្ឌដង្កោ ត្រូវ​អាជ្ញារ​ចាប់បាន​មកវិញ​ផងដែរ​។​

​តែ​ទោះយ៉ាងណា មិនមែន​តែ​១​ក្បាល​នេះ​ទេ គឺមាន​១​ក្បាល​ទៀត​ទម្ងន់​រហូត ៤០ គីឡូ ត្រូវបាន​ចាប់បាន​នៅ​ព្រឹក​ថ្ងៃទី​១៨ ខែតុលា ឆ្នាំ​២០២០​។ នេះ​បើ​យោងតាម​គណនី​ហ្វេ​ស​ប៊ុ​ក​ឈ្មោះ Smey Yoxic បាន​បង្ហោះ​ប្រាប់​ឲ្យ​ដឹងថា​៖ «​ប្រុងប្រយ័ត្ន​មិនមែន​រួច​១​ទេ​. តា​ហានិភ័យ​ចាប់បាន​ឡាំ​ឌួ​យ 40 kg មួយ​ក្បាល​ទៀត ព្រឹក​ថ្ងៃទី​18.10.20 ទីតាំង​: ព្រែកកំពឹស​»៕ ដោយ​៖ លឹម ហុង​

spot_img
×