ភ្នំពេញ ៖ អគ្គិភ័យបានឆាបឆេះអតីតក្លឹបកម្សាន្ត៥៥ ដែលទុកចោលបង្កការភ្ញាក់ផ្អើលដល់ប្រជាពលរដ្ឋ និងខាងអន្តរាគមន៍ពន្លត់អគ្គិភ័យ។ ហេតុការណ៍នេះដែរកើតឡើងនៅវេលាម៉ោង ៥ និង ១០ នាទីល្ងាច ថ្ងៃទី២១ ខែតុលា ឆ្នាំ ២០២០ តាមបណ្តោយផ្លូវ ២៤០ កែងនឹងផ្លូវ ៥៥ សង្កាត់ចតុមុខ ខណ្ឌដូនពេញ រាជធានីភ្នំពេញ។
ប្រភពព័ត៌មានពីម្ចាស់ផ្ទះបានឲ្យដឹងថា អគ្គិភ័យឆេះក្លឹបនេះបណ្តាលមកពីឧបករណ៍ផ្សារកាត់ដែកអាស៊ីទីឡែន ទើបធ្វើឲ្យឆេះនៅក្នុងក្លឹបនោះដែលទុកចោល ហើយក្នុងការ
ឆាបឆេះនេះមិនបណ្តាលឲ្យរាលដាលដល់ផ្ទះអ្នកនៅក្បែរខាងនោះទេ។
សមត្ថកិច្ចបានប្រើប្រាស់រថយន្តការិយាល័យអគ្គិភ័យចំនួន៨ គ្រឿង ប្រើប្រាស់ទឹកអស់ចំនួន ១៦ឡាន ស្មើនឹង៦៤ម៉ែត្រគូប ។ រថយន្តជំនួយអន្តាគមន៍ពន្លត់មានដូចជា រថយន្តអគ្គិភ័យទីក្រុងអូរឡាំព្យាចំនួន ២គ្រឿងប្រើប្រាស់ទឹកអស់ ២ឡានស្មើនឹង៨ ម៉ែត្រគូប ។ រថយន្តអគ្គិភ័យធានាគារជាតិកម្ពុជា ចំនួន ២គ្រឿង ប្រើប្រាស់ទឹកអស់ចំនួន ២ឡាន ស្មើនឹង ៨ម៉ែត្រគូប ៕ 
