ព្រះសីហនុ ៖ រថយន្តមិនស្គាល់មួយគ្រឿង បើករហូតទាល់តែដាច់កង់រថយន្ត១គូ ហើយខ្ទាតចេញផ្លូវ បុកក្មេងប្រុស អាយុ៨ឆ្នាំ បណ្តាលឲ្យស្លាប់ ថ្ងៃទី១០ ខែកុម្ភៈ ឆ្នាំ២០១៨ វេលាម៉ោង ១៨ លើផ្លូវជាតិលេខ៤ ចន្លោះគីឡូម៉ែត្រ ១៧៧-១៧៨ ស្ថិតនៅក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។
ករណីគ្រោះថ្នាក់នេះបណ្ដាលឲ្យរងរបួសធ្ងន់ក្មេងប្រុសម្នាក់ឈ្មោះ រស់ ភារម្យ ហើយបានបញ្ជូនទៅសង្គ្រោះ ប៉ុន្តែក្រោយមកបានស្លាប់ដោយសាររបួសធ្ងន់ធ្ងរពេក ។ រីឯវត្ថុតាងកង់រថយន្ត ១គូ នេះមិនដឹងថាដាច់ចេញពីមួយណាទេ ដែលកំពុងបើកបរលើផ្លូវជាតិលេខ៤ ហើយត្រូវបានសមត្ថកិច្ចបានយកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីស្រាវជ្រាវរករថយន្តបង្ក ៕ ដោយ៖បញ្ញាស័ក្តិ