បាត់ដំបង ៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស៦នាក់ជួញដូររក្សាទុក ថ្នាំម៉ាទឹកកក០៧ថង់ ម៉ូតូ០២គ្រឿង សម្ភារពាក់ព័ន្ធមួយចំនួននៅកន្លែងផ្សេងគ្នា កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់នៅកាលពីរសៀលថ្ងៃទី៣០ ខែតុលា ឆ្នាំ២០២០។
ហេតុការណ៍ចាប់ឃាត់ខ្លួនជនសង្ស័យ៦នាក់នេះ បានធ្វើឡើងកាលពីថ្ងៃទី២៩និង៣០ខែតុលាឆ្នាំ២០២០នៅចំណុចផ្សេងគ្នាក្នុងស្រុកឯកភ្នំ ស្រុកកំរៀងនិងក្រុងបាត់ដំបងខេត្តបាត់ដំបង។
លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ៦នាក់ដែលចាប់ឃាត់ខ្លួន ករណីទី១ ឈ្មោះខន គង្គា ភេទប្រុស អាយុ២៦ឆ្នាំ រស់នៅភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកកមួយថង់ និងសម្ភារពាក់ព័ន្ធមួយចំនួនទៀត ហើយចាប់ឃាត់ខ្លួនកាលពីម៉ោង២៣និង៣០នាទី ថ្ងៃទី២៨ ខែតុលា ឆ្នាំ២០២០ នៅចំណុចផ្លូវភ្លោះភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង។ ករណីទី២ ឈ្មោះសេង ណាត ភេទប្រុស អាយុ៤១ឆ្នាំ រស់នៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង និងឈ្មោះហួន ហុង ភេទប្រុស អាយុ២៨ឆ្នាំ រស់នៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកកមួយថង់ និងសម្ភារពាក់ព័ន្ធមួយចំនួនទៀត ហើយចាប់ឃាត់ខ្លួនកាលពីម៉ោង០០និង៣០នាទីរំលងអធ្រាត្រ ឈានចូលថ្ងៃទី២៩ ខែតុលា ឆ្នាំ២០២០ នៅចំណុចផ្លូវភ្លោះភូមិពាមឯក ឃុំពាមឯក ស្រុកឯកភ្នំខេត្តបាត់ដំបង។ ករណីទី៣ ឈ្មោះគឹម ស៊ាន ភេទប្រុស អាយុ៦៤ឆ្នាំ រស់នៅភូមិអូរដារលើ ឃុំបឹងរាំង ស្រុកកំរៀង ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកកមួយថង់ និងសម្ភារពាក់ព័ន្ធមួយចំនួនទៀត ហើយចាប់ឃាត់ខ្លួនកាលពីម៉ោង១០និង០០នាទីព្រឹក ថ្ងៃទី២៩ ខែតុលា ឆ្នាំ២០២០ នៅចំណុចក្រុមទី០៨ ភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ ក្រោយពីសាកសួរឈ្មោះគឹម ស៊ាន ហើយ កម្លាំងបានឈានទៅចាប់ឈ្មោះឌី នី ភេទប្រុស អាយុ៤១ឆ្នាំ រស់នៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានទូរស័ព្ទដៃមួយគ្រឿង ប្រាក់២លានរៀល ម៉ូតូមួយគ្រឿង និងសម្ភារពាក់ព័ន្ធប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួន កាលពីម៉ោង១១និង៥៥នាទីព្រឹក ថ្ងៃទី២៩ ខែតុលា ឆ្នាំ២០២០ នៅចំណុច ភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ ករណីទី៤ ឈ្មោះកែវ សំណាង ហៅឆាង ភេទប្រុស អាយុ៣១ឆ្នាំ រស់នៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក០៤ថង់ ម៉ូតូមួយគ្រឿង និងសម្ភារពាក់ព័ន្ធមួយចំនួនទៀត ហើយចាប់ឃាត់ខ្លួនកាលពីម៉ោង០១និង០៥នាទីរំលងអធ្រាត្រឈានចូលថ្ងៃទី៣០ ខែតុលា ឆ្នាំ២០២០ នៅចំណុចក្រុមទី៤០ ភូមិ១៣មករា សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ក្រុង ចុះបង្ក្រាបបានករណីរទាំង៤នេះ ហើយចាប់ឃាត់ខ្លួនជនសង្ស័យ៦នាក់ និងវត្ថុតាង បានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យ និងវត្ថុតាង ទៅតុលាការ ដើម្បីចាត់ការទៅតាមផ្លូវច្បាប់ កាលពីរសៀលថ្ងៃទី៣០ ខែតុលា ឆ្នាំ២០២០ហើយ៕ ដោយ ៖ អ៊ុងសារុំ
