ខេត្តបន្ទាយមានជ័យ ៖ ជនរងគ្រោះមានឈ្មោះឡែ ចយ ភេទប្រុស អាយុ៤៩ ឆ្នាំ(ស្លាប់) ជាមេភូមិឯកភាព) ចំណែកប្រពន្ធរបួសធ្ងន់ ឈ្មោះមាស នី អាយុ៥១ឆ្នាំ ពួកគាត់ជួបគ្រោះថ្នាក់ពេលជិះម៉ូតូឌុបគ្នាត្រឡប់ មកពីផ្សារនៅតាមផ្លូវត្រូវបានសត្វឆ្កែរត់បុកបណ្តាលឲ្យដួលនៅវេលាម៉ោង៦និង៣០នាទីព្រឹកថ្ងៃទី១ ខែវិច្ឆិកា ឆ្នាំ២០២០ តាមបណ្តោយផ្លូវជាតិលេខ៥៦ ស្ថិតភូមិឯកភាព ឃុំគំរូ ស្រុកថ្មពួក ខេត្តបន្ទាយមានជ័យ។
នគរបាលស្រុកថ្មពួកបានប្រាប់ថា ជនរងគ្រោះបានជិះម៉ូតូហុងដាសេ១២៥ ផ្លាកលេខ 1B.1622 ដែលបានឌុបប្រពន្ធត្រឡប់ពីទិញផ្លែឈើមកលក់ នៅសាលារៀន ហើយជិះម៉ូតូក្នុង តាមបណ្តោយផ្លូវ ជាតិលេខ៥៦ ក្នុងល្បឿនលឿនឆ្កែរត់បុកពេញទំហឹង បណ្តាលដួលបោកក្បាលបណ្តាលប្តីស្លាប់ភ្លាមៗនឹងកន្លែង ចំណែកប្រពន្ធរបួសធ្ងន់ត្រូវបានសង្គ្រោះបន្ទាន់។
មន្ត្រីនគរបាលចរាចរណ៍បានបញ្ជាក់ថា ជនរងគ្រោះឌុបប្រពន្ធត្រឡប់ពីផ្សារ ហើយប្រហែលជាបើកម៉ូតូលឿនពេក បណ្តាលបុកឆ្កែរត់កាត់ផ្លូវក៏ដួលបោកក្បាលស្លាប់ប្តីនៅនឹងកន្លែង ប្រពន្ធរបួសធ្ងន់ត្រូវបានសង្គ្រោះបន្ទាន់កាន់មន្ទីរពេទ្យ៕ដោយ៖CEN
