ភ្នំពេញ៖លោក ស្វាយ វង្ស ជាមន្ត្រីប៉េអឹមពាក់ស័ក្តិ២ និងជាអ្នកទិញលក់ឡាន បានបបួលស្រីស្អាតម្នាក់ ហាត់ប្រាណលើគ្រែ ថែមទៀតផ្ញើវីដេអូអាសអាភាសឲ្យគេមើលទៀតផងនោះ នៅថ្ងៃទី២ខែវិច្ឆិកានេះ ត្រូវបានអ្នកនាំពាក្យកងរាជអាវុធហត្ថប្រកាសច្រានចោលព័ត៌មាននោះ ហើយថាបុគ្គល ស្វាយ វង្ស ពុំមានឈ្មោះក្នុងក្របខ័ណ្ឌអង្គភាពកងរាជអាវុធហត្ថទេ។
ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថ សូមជម្រាបជូនអ្នកសារព័ត៌មាន និងសាធារណជនមេត្តាជ្រាបថា “នៅថ្ងៃទី១ ខែវិច្ឆិកា ឆ្នាំ២០២០ កងរាជអាវុធហត្ថបានឃើញបណ្ដាញសារព័ត៌មានចុះផ្សាយ អំពីបុគ្គលម្នាក់ស្លៀកពាក់ ឯកសណ្ឋានកងរាជអាវុធហត្ថ មានឈ្មោះ អ ស្វាយ វង្ស ខ្ញុំបាទសូមបញ្ជាក់ថា បុគ្គលនេះ ពុំមានឈ្មោះក្នុងក្របខ័ណ្ឌអង្គភាពកងរាជអាវុធហត្ថទេ”។
នាព្រឹកថ្ងៃទី១ ខែវិច្ឆិកា ឆ្នាំ២០២០ នេះ បណ្តាញសង្គមហ្វេសប៊ុកគណនីហ្វេសប៊ុកមួយឈ្មោះ Ly Na បានបង្ហោះឃ្លីបវីដេអូមួយ បង្ហាញពីសកម្មភាពរបស់លោក ស្វាយ វង្ស ដែលជាមន្ត្រីប៉េអឹមពាក់ស័ក្តិ២ និងជាអ្នកទិញលក់ឡានបានបបួលស្រីស្អាតម្នាក់ ហាត់ប្រាណលើគ្រែ ថែមទៀតផ្ញើវីដេអូអាសអាភាស ឲ្យគេមើលទៀតផង ។ អ្នកលេងហ្វេសប៊ុកមួយចំនួន បានរិះគន់មន្ត្រីប៉េអឹម រូបនេះថា ឃើញស្រីស្អាតមិនបាន បែរជាមើលងាយគេ ហ៊ានបបួលគេហាត់ប្រាណលើគ្រែ ៕
ដោយ៖បញ្ញាស័ក្តិ
