Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ករណីអារកសម្លាប់ស្ត្រីម្នាក់ នៅស្រុកជលគិរី ឃាតករគឺជាប្តីខ្លួនឯង

spot_img

កំពង់ឆ្នាំង ៖ ករណីឃាតកម្មលើស្ត្រីម្នាក់ដោយអារក ដែលសាកសពត្រូវបានគេប្រទះឃើញនៅក្នុងព្រៃបន្លារយួន ក្នុងភូមិក្បាលកន្លង់ ឃុំពាមឆ្កោក ស្រុកជលគិរី កាលពីថ្ងៃទី១៣ ខែកុម្ភៈ ឆ្នាំ២០១៨នោះ ឃាតកគឺជាប្តីខ្លួនឯង។ ជនដៃដល់ឈ្មោះជា ធីម៉ារ៉ាត់ អាយុ២២ឆ្នាំ ត្រូវបានសមត្ថកិច្វចាប់ខ្លួននៅក្រោយពេលកើតហេតុតែប៉ុន្មានម៉ោងប៉ុណ្ណោះ ។

សូមបញ្ជាក់ថា ស្រ្តីម្នាក់ត្រូវបានជនមិនស្គាល់មុខសម្លាប់ដោយអារក ហើយសាកសពត្រូវបានក្រុមគ្រួសារប្រទះឃើញ កាលពីព្រលប់ថ្ងៃទី១២ ខែកុម្ភៈ ឆ្នាំ២០១៨ នៅក្នុងភូមិក្បាលកន្លង់ ឃុំពាមឆ្កោក ស្រុកជលគិរី ។ ជនរងគ្រោះឈ្មោះ ហ៊ន ណាវី អាយុជាង២០ឆ្នាំ មានទីលំនៅក្នុងភូមិ ឃុំខាងលើ ។

​បើ​តាម​ការ​រៀប​រាប់​របស់​បុរស​ឈ្មោះ ហង្ស ស្រុង អាយុ​៤៤​ឆ្នាំ ត្រូវ​ជា​ឪពុក​បង្កើត​​របស​ស្ត្រី​រង​គ្រោះ​ បាន​ប្រាប់​សមត្ថកិច្ច​ថា កូនស្រី​គាត់​​ឈ្មោះ ហ៊​ន ណា​វី បាន​រៀប​ការ​ជាមួយ​បុរស​ម្នាក់​​ឈ្មោះ ជា ធី​ម៉ា​រ៉ាត់ អាយុ​២២​ឆ្នាំ​ មាន​ទីលំនៅ​ភូមិ​ព្រៃ​គ្រី ឃុំ​ព្រៃ​គ្រី​ ស្រុក​ជល​គី​រី កាលពី​ឆ្នាំ​កន្លង​ទៅ និងមានកូន​ម្នាក់​ អាយុ​៦​ខែ ។

បុរសជាឪពុកបានអោយដឹងបន្ត​ថា កាលពី​ពេលថ្មីៗនេះ កូនប្រសារ​ បាន​ទាស់​សំដី​ជាមួយ​​គាត់ ហើយក៏​​ចុះចេញពីផ្ទះចោលកូនស្រីគាត់ទៅ​ផ្ទះ​របស់គេ​នៅ​ភូមិ​ព្រៃ​គ្រី​បាត់​ទៅ ហើយ​នៅ​ថ្ងៃ​កើតហេតុ វេលា​ម៉ោង​ប្រមាណ​៩​ព្រឹក​ ថ្ងៃ​ទី​១២ កុម្ភៈ កូនស្រី​គាត់​បាន​ទុក​កូន​​តូច​អាយុ​៦​ខែ​ឱ្យ​​ក្មួយ​មើល ដោយ​ប្រាប់ថា ទៅ​ផ្ទះ​យាយ​មួយ​​ភ្លែត ហើយក៏​ជិះ​ម៉ូតូ​ទៅ​ផ្ទះ​​យាយ ដែល​មាន​ចម្ងាយ​ជាង​១​គីឡូម៉ែត្រ​ពី​ផ្ទះ​គាត់ ។ ពេល​ទៅ​ដល់​ផ្ទះ​យាយ កូនស្រី​គាត់​បាន​ផ្ញើ​ម៉ូតូ​និង​គេ រួច​ក៏​ជិះ​​ទូក​ឆ្លងទន្លេ មក​ត្រើយម្ខាង ហើយក៏​​បាត់​ខ្លួន​រហូត ។

​បុរសជាឪពុក​​បាន​​បញ្ជា​ក់ទៀត​ថា នៅ​ម៉ោង​១១​ព្រឹក ពេល​គាត់​មក​ពី​ស្រែ​វិញ មិនឃើញ​កូនស្រី​ឃើញ​តែ​ចៅ​យំពេញ​ផ្ទះ ពេល​សួរ​ក្មួយ​ប្រាប់​ថា​ កូនស្រី​គាត់​ជិះ​ម៉ូតូ​ទៅ​ផ្ទះ​យាយ មាន​គេ​ទូរ​សព្ទ័​មក​ហៅ​គាត់ ។ ពេល​នោះ​គាត់ក៏បាន​ទៅ​រក​នៅផ្ទះ​យាយ​ តែ​រក​មិនឃើញ ឃើញ​តែ​​ម៉ូតូ និង​ពេល​ទូរ​សព្ទ័​ចូល តែ​គ្មាន​អ្នក​លើក​ទៀត ទើប​មានការ​សង្ស័យ នាំ​គ្នា​ដើរ​រក​ពេញ​មួយ​ថ្ងៃ រហូត​ដល់​ម៉ោងជាង​៧​យប់​ទើប​ប្រទះ​ឃើញ​​កូន​ស្រី​ស្លាប់​​ដោយ​ត្រូវ​​គេ​អា​រកតែម្តង ។

បុរស​ជាឪពុកបានអោយដឹងថា នៅ​ជាប់​ខ្លួន​កូន​​ស្រី​​គាត់​មាន​ខ្យែក​មាស​៥​ជី, កងដៃ​ផ្លា​ក​ទី​ន​១​តម្លឹង ក្រវិលផ្លា​ក​ទី​ន​១​ជី ចិញ្ចៀន​​១​ជី និង​ ប្រាក់​២០​ម៉ឺន​រៀល​ផង​ដែរ​។

នៅ​​ព្រឹក​ថ្ងៃ​ទី​១៣ ​​កុ​ម្ភៈ សមត្ថកិច្ច​បាន​ចុះទៅ​ពិនិត្យ​ធ្វើ​កោសល្យ​វិ​ច័យ​សាក​​សព​ស្ត្រី​រង​គ្រោះនៅកន្លែងកើត​ហេតុ ប្រទះ​ឃើញ​មាន​ទូរ​ស័ព្ទ​របស់​ស្ត្រី​រង​គ្រោះ​មួយ​គ្រឿង កូនកាំបិត​ដង​លឿង​១ ។​ ​រីឯសាកសព​ស្ត្រី​រង​គ្រោះ ​ត្រូវ​ជន​ពុំ​ស្គាល់​មុខ​អា​រក​សម្លាប់ និង​មាន​ស្នាម​​ឈាម​ក្នុង​ប្រដាប់​ភេទផងដែរ។

បុរសជាប្តីត្រូវបានសមត្ថកិច្ចធ្វើការឃាត់ខ្លួនយកមកសាកសួរពីបទសង្ស័យថា ជាអ្នកអារកសម្លាប់ប្រពន្ធរបស់ខ្លួន។ ជនសង្ស័យរូបនេះបានឆ្លើយសារភាពថា រូបគេពិតជាបានសម្លាប់ប្រពន្ធរបស់ខ្លួនពិតប្រាកដមែន ដោយនៅមុនដំបូងគេបានទូរស័ព្ទហៅប្រពន្ធមកនិយាយគ្នារឿងបញ្ហាជម្លោះក្នុងគ្រួសារ តែនិយាយមិនត្រូវគ្នា ហើយប្រពន្ធក៏បានប្រើពាក្យសំដីមើលងាយធ្ងន់ៗ​ ធ្វើអោយរូបគេខឹងទប់ចិត្តមិនបានក៏ដាល់មួយដៃចំពោះបណ្តាលនាងចុកឆ្អល់និងសន្លប់លែងដឹងខ្លួន ហើយរូបគេបានយកកាំបិតអារកបន្ថែមរហូតដល់នាងដាច់ខ្យល់ស្លាប់តែម្តង។ ជនសង្ស័យបានសារភាពទៀតថា ក្រោយពីសម្លាប់ប្រពន្ធ រូបគេបានដោះយកគ្រឿងអាលង្គការ និង ប្រមូលយកលុយដែលនៅមានជាប់នឹងខ្លួននាង ហើយគេចខ្លួនចេញពីកន្លែងកើតហេតុតែម្តងទៅ។

ជនសង្ស័យនឹងត្រូវបញ្ជូនទៅកាន់សាលាដំបូងខេត្តកំពង់ឆ្នាំង នៅថ្ងៃទី១៤ ខែកុម្ភៈ ឆ្នាំ២០១៨ ដើម្បីចាត់ការបន្តទៅតាមនិតិវិធី ៕ ដោយ៖ ចៅ សន

spot_img
×