ភ្នំពេញ ៖កងប្រតិបត្តិការរុករកនិងសង្គ្រោះរបស់៧១១ កងពលតូចលេខ៧០ បានឲ្យដឹងថា រថយន្តធុនធំមួយគ្រឿង បើករេចង្កូតជ្រុលទៅបុកផ្ទប់នឹងរបងរោងចក្រ បណ្តាលឲ្យរួញកាប៊ីនឡានមកក្រោយ គាបជាប់អ្នកបើកបរនៅក្នុងកាប៊ីន។
កើតហេតុកាលពីវេលាម៉ោង៣ទៀបភ្លឺចូលថ្ងៃទី០៨ ខែវិច្ឆិកា ឆ្នាំ២០២០ នៅក្នុងភូមិទួលពង្រ សង្កាត់ចោមចៅ១ ខណ្ឌពោធិសែនជ័យ ។
ជនរងគ្រោះឈ្មោះ ម៉ៅ សោភា អាយុ២១ឆ្នាំ ដែលគាបជាប់ក្នុងកាប៊ីនឡានត្រូវបានកងប្រតិបត្តិការរុករកនិងសង្គ្រោះរបស់៧១១ កងពលតូចលេខ៧០ ចេញទៅអន្តរាគមន៍ជួយសង្គ្រោះ ក្នុងសកម្មភាពបច្ចេកទេស ជំនាញវះកាត់ ហែករថយន្ត ដើម្បីយកជនរងគ្រោះចេញពីក្នុងកាប៊ីនបានដោយសុវត្ថិភាព រួចដឹកបញ្ជូនទៅព្យាបាលបន្តនៅមន្ទីរពេទ្យព្រះកុសុមៈ ៕
ដោយ៖បញ្ញាស័ក្តិ
