Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

រថយន្តបុក​គ្នា​ទៀត​ហើយ​តាមផ្លូវ​ជាតិ​លេខ​៤​ របួសមនុស្ស​ ៣​នាក់​

spot_img

ខេត្ត​ព្រះសីហនុ៖ មន្ដ្រីនគរបាល នៃស្នង​ការដ្ឋាន​នគរបាល​ខេត្ត​ព្រះសីហនុ​ បាន​ឲ្យដឹង​ថា នៅ​វេលា​ម៉ោង​ ២ និង៣០នាទី​ ថ្ងៃ​ទី​១៤ ខែ​កុម្ភៈ​ ឆ្នាំ​២០១៨​ មាន​រថយន្ត​ ២គ្រឿង បានបុក​គ្នា​នៅតាផ្លូវ​ជាតិ​លេខ​៤​ ចន្លោះ​បង្គោល​គីឡូម៉ែត្រ​១៧២-១៧៣​ ស្ថិតក្នុងភូមិ​ត្រពាំង​គា​ ឃុំ​ជើងគោ​ ស្រុក​ព្រៃនប់​ ខេត្ត​ព្រះសីហនុ​ រវាង​រថយន្ត​ធុន​ធំ​សណ្តោង​រឺម៉ក​ ដឹក​កុងតឺន័រ របស់​ក្រុមហ៊ុន​សូងួន​ អ្នកបើកបរ​មិនស្គាល់អត្តសញ្ញាណ​ មានទិសដៅពី​ខេត្ត​ព្រះសីហនុ​ ឆ្ពោះ​ទៅ​ រាជធានីភ្នំពេញ​ បាន​បុក​ជាមួយរថយន្ត​ម៉ាក​ HIGHLANDER ពណ៌ទឹកប្រាក់​ ពាក់ផ្លាកលេខ​ ភ្នំពេញ​2S-9522​ ដែល​មាន​ទិសដៅ​ផ្ទុយ​គ្នា​ អ្នក​បើកបរ​ ឈ្មោះ​ រស់​ វ៉ាន់​សុជាតា​ ភេទ​ប្រុស​ អាយុ​២៣ឆ្នាំ​ មុខរបរ​ បុគ្គលិក​ក្រុមហ៊ុន​ ឯកជន​មួយ​ មានលំ​នៅ​ដ្ឋាន​ សង្កាត់​ស្ទឹងមានជ័យ​ ខណ្ឌ​មានជ័យ​ រាជធានី​ភ្នំពេញ​។

មន្ត្រីនគរបាល បានអោយដឹងថា នៅក្នុង​រថយន្ត​ ហាយឡែនឌ័រ មានអ្នក​ដំណើរ​ ២នាក់​ជិះក្នុងនោះ គឺឈ្មោះ​ តេង​ លក្ខិណា​ ភេទ​ ស្រី​ អាយុ​ ២១ឆ្នាំ​ សិស្ស​ មានទីលំនៅ​សង្កាត់​ភ្នំពេញ​ថ្មី​ ខណ្ឌ​សែន​សុខ​ ភ្នំពេញ​ និងឈ្មោះ​ រិន​ ឌីម៉ង់​ ភេទ​ ប្រុស​ អាយុ​ ២៤ឆ្នាំ​ សិស្ស​ មានទីលំនៅ​សង្កាត់​បឹងសាឡាង​ ខណ្ឌ​ទួលគោក​ រាជធានីភ្នំពេញ​។

កម្លាំងនគរបាល អោយដឹងថា គ្រោះថ្នាក់​នេះ​ បណ្ដាល​ឲ្យ​រងរបួស​មនុស្ស​ចំនួន​ ៣នាក់​ ស្រី​ម្នាក់​ បាន​បញ្ជូន​ទៅ​ព្យាបាល​នៅ​គ្លីនិក​លិគឹមឌី​វាលរេញ​។

ចំណែករថយន្ត​បង្កទាំង ២គ្រឿង​ ត្រូវសមត្ថកិច្ចនាំយក​មក​រក្សាទុក​នៅ​អធិការ​ដ្ឋាន​នគរ​បាល​ស្រុក​ព្រៃនប់​ ដើម្បីដោះស្រាយនៅពេលក្រោយ៕ ដែន សីមា

 

spot_img
×