នៅមុននេះបន្តិចអ្នកនាង ពេជ្រ សូលីកា និងស្វាមីបានបង្ហោះរូបភាពមួយចំនួនខណៈកំពុងចុះកិច្ចព្រមព្រៀងបង្កើតក្រុមហ៊ុនកាត់ដេរសម្លៀកបំពាក់មួយជាមួយដៃគូរពាក់ព័ន្ធ ដើម្បីផ្គត់ផ្គង់ទីផ្សាក្នុងស្រុក ព្រមជាមួយការសហការពីផ្សារទំនើបអ៉ីអនគ្រប់សាខាទទួលយកផលិតផលរបស់អ្នកនាងដាក់តាំងលក់ផងដែរ។
ដោយអ្នកនាងបានរៀបរាប់ថា «ពិធីចុះកិច្ចព្រមព្រៀងពាណិជ្ជកម្មបង្កើតក្រុមហ៊ុន បុណ្យ “ BONH” ផលិត កាត់ដេរ និងបង្កើតម៉ូតសំលៀកបំពាក់ដែលជាស្នាដៃរបស់កូនខ្មែរ ដើម្បីផ្គត់ផ្គង់លើទីផ្សារក្នុងប្រទេស។
ក្រុមហ៊ុនយើងខ្ញុំ សូមអំពាវនាវដល់ប្រជាពលរដ្ឋខ្មែរ ទាំងក្នុងព្រះរាជាណាចក្រកម្ពុជា ក៏ដូចជាក្រៅប្រទេស មេត្តាចូលរួមជួយគាំទ្រផលិតផលក្រុមហ៊ុនយើងខ្ញុំ ដើម្បីលើកកម្ពស់ផលិតខ្មែរ ស្នាដៃកូនខ្មែរ ចូលរួមចំណែកផ្តល់ការងារធ្វើដល់ប្រជាពលរដ្ឋខ្មែរ ជាពិសេសប្រាក់កម្រៃដែលជាចំណូលរបស់ក្រុមហ៊ុនយើងខ្ញុំ នឹងត្រូវបានចែករំលែក…% ជួយដល់ក្មេងកំព្រា….។
ចំពោះមុខនេះ ក្រុមហ៊ុនយើងខ្ញុំសូមថ្លែងអំណរគុណជាអនេក ដល់ប្រធានគ្រប់គ្រងទីផ្សាអីអនម៉ល ដែលសម្រេចទទួលយកផលិតផល និងម៉ូតសំលៀកបំពាក់របស់ក្រុមហ៊ុនយើងខ្ញុំ ដើម្បីផ្គត់ផ្គង់បម្រើឲ្យទីផ្សាររបស់ខ្លួនគ្រប់សាខាទូទាំងព្រះរាជាណាចក្រកម្ពុជា។
គួរបញ្ជាក់ផងដែរថា ស្វាមីតារាចម្រៀង ពេជ្រ សូលីកា គឺជាអ្នកច្នៃម៉ូតសម្លៀកបំពាក់មួយរូបដែលមានទេពកោសល្យនិងភាពល្បីល្បាញគួរសមនៅក្រៅប្រទេស៕ ដោយ៖ កូលាប ក្រហម