ភ្នំពេញ៖ រូបថតប៉ុន្មានសន្លឹករបស់ រឿង ណាត ដែលត្រូវបានបង្ហោះក្នុងបណ្តាញសង្គម បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង និងសរសើរមិនដាច់ពីមាត់ ដោយសារឈុតដ៏ស្រស់ស្អាតដែលនាងបានគ្រងនោះ មិនត្រឹមតែមានភាពប្រណិតប៉ុណ្ណោះទេ តែថែមទាំងបង្កប់អត្ថន័យ និងរំលេចនូវសម្រស់របស់នាងថែមមួយកម្រិតទៀត។
ចំពោះអត្ថន័យនៃឈុតដែលបវរកញ្ញាឆ្នាំ២០១៨ របស់យើងបានគ្រងនោះគឺ ផ្នែកខាងលើនៃឈុត យកលំនាំតាម សម្លៀកបំពាក់ល្បុក្តោខ្មែរ ចំណែកឯផ្នែកខាងក្រោម ជ្រើសយកប្រភេទក្រណាត់ហ៊ូលដែលជាក្រណាត់ខ្មែរយើងផងដែរ។
គួរបញ្ជាក់ថា អ្នកច្នៃម៉ូតឈុតដ៏ប្រណិតនេះ គឺជាកូនខ្មែរពិតៗ ដែលមានគណនីហ្វេសប៊ុកឈ្មោះថា Rose Davsen។ ហើយឈុតនោះត្រូវបានកញ្ញា រឿង ណាត គ្រងដើម្បីចូលរួមក្នុងកម្មវិធី Miss universe Cambodia 2020 ក្នុងវគ្គPreliminary Show៕ ដោយ៖ កូលាប ក្រហម
