កំពង់ស្ពឺ៖ លោកកដួង តារា ជំនួយការសម្តេចតេជោហ៊ុន សែន នាយករដ្ឋមន្ត្រី និងជាអនុរដ្ឋលេខាធិការ នៃទីស្តីការគណៈរដ្ឋមន្ត្រី បានថ្លែងថា ទម្លាប់វាយគេបង្ករបួសស្នាមរត់ចូលបន្ទាយយករួចខ្លួនត្រូវតែឈប់!។
លោកបានថ្លែងបន្តថា មានប្រជាពលរដ្ឋបានខលប្រាប់ខ្ញុំថា មានបុរសម្នាក់ជាទាហាន ឈ្មោះ ហុង លឹមហ៊ី បានបង្កហឹង្សាទៅលើមីងឈ្មោះ អ៊ិត រុំ អាយុ៥៨ឆ្នាំ បណ្តាលអោយគាត់សន្លប់ ហើយបានដឹកមកព្យាបាលនៅពេទ្យបង្អែកត្រពាំងក្រឡឹង។ មីង អ៊ិត រុំ សន្លប់អស់មួយព្រឹក ហើយនោមអត់ចេញទៀតផង។ ករណីហឹង្សានេះ គឺបណ្តាលមកពី ជនបង្ករហេតុ ធ្លាប់មាន ទំនាស់ដីធ្លីជាមួយ មីង អ៊ិត រុំ ដែល ឯកឧត្តម ហ៊ុន ម៉ានី បានជួយមីង ពីមុនម្តងរួចមកហើយ។
សមត្ថកិច្ចនគរបាលព្រហ្មទណ្ឌស្រុកភ្នំស្រួច បានសហការជាមួយជំនាញពាក់ព័ន្ធ ទៅអញ្ជើញទាហានរូបស្រស់ មកដោះស្រាយទទួលខុសត្រូវ តែគាត់បានរត់ចូលបន្ទាយ ដែលមានមេបញ្ជាការឈ្មោះ ឡាញ់ កៅ នៅកងរថក្រោះ អាសេអូ។ ការបង្ករបួសស្នាមលើអ្នកដទៃ គឺជាបទល្មើសជាក់ស្តែងដែលត្រូវទទួលខុសត្រូវចំពោះមុខច្បាប់ ? មិនមែនជា ការប្រព្រឹត្តបទល្មើសយោធាទេ ? ហើយក៏មិនអាចប្រើ តួនាទីទាហាន ក្នុងការគេចខ្លួនដែរ ….. ។
ទោះជនប្រព្រឹត្តិល្មើស បានចូលទៅពួនក្នុងបន្ទាយ យករួចខ្លួន ឬចូលទៅសុំទោសមេមកដោះស្រាយជាមួយពលរដ្ឋ ក៏ជននោះ មិនអាចរួចផុតពី ការទទួលខុសត្រូវចំពោះមុខច្បាប់ឡើយ !!!!។
បើបានធ្វើខុសហើយ សូមចេញខ្លួនមកទទួលខុសត្រូវលើអ្នករងគ្រោះ ឲ្យស័ក្តសមជាទហានមានវិន័យ ហើយកសាងខ្លួនឲ្យបានល្អទៅ គឺពលរដ្ឋនឹងស្រឡាញ់ពេញចិត្តមិនខាន។
កុំទម្លាប់វាយបង្ករបួសស្នាមដល់អ្នកដទៃ ហើយគេចរត់ចូលបន្ទាយយករួចខ្លួនបែបនេះ មិនល្អទេ។ តើបងប្អូនយល់យ៉ាងណាដែរ?
យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ពលរដ្ឋយើង គ្រប់ទីកន្លែងដោយគ្មានការរើសអើង៕ ដោយ៖បញ្ញាស័ក្តិ
