ភ្នំពេញ ៖ រថយន្ត lexus 400h មួយគ្រឿង បើកបរក្នុងល្បឿនលឿនដល់ផ្លូវកោងមិនបង្អង់ ក៏ជ្រុលទៅបុកនឹងរថយន្តដឹកទំនិញមួយគ្រឿងទៀតចំពីមុខពេញទំហឹង បណ្ដាលឱ្យជាប់រថយន្ត ចំណែកឯតៃកុងរថយន្តនិងអ្នករួមដំណើរ រងរបួសធ្ងន់ស្រាលបញ្ជូនទៅសង្គ្រោះបន្ទាន់ភ្លាមៗ។
ហេតុការណ៍នេះដែរកើតឡើងនៅវេលាម៉ោង ១ និង ៥០នាទី រសៀល ថ្ងៃអាទិត្យ ទី១៥ ខែវិច្ឆិកា ឆ្នាំ ២០២០ ស្តិតនៅតាមបណ្តោយផ្លូវព្រៃស ក្នុងភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្តដឹកទំនិញមួយគ្រឿង ដែលពាក់ផ្លាកលេខ ភ្នំពេញ 3D 8821 បើកបរម្នាក់ឯងធ្វើដំណើក្នុងទិសដៅពីកើតមកលិច ក្នុងល្បឿនលឿន ខណៈពេលមកដល់ចំណុចកើតហេតុ គេឃើញរថយន្តរថយន្ត lexus 400hមួយគ្រឿងទៀត ដែលពាក់ផ្លាកលេខ ភ្នំពេញ 2IA 5525 ធ្វើដំណើរលក្ខណៈជាគ្រួសារ ក្នុងទិសដៅពីលិចមកកើតក្នុងល្បឿនលឿន ខណៈពេលមកដល់ផ្លូវកោងមិនបង្អង់ក៏ជ្រុលទៅបុករថយន្តដឹកទំនិញពេញទំហឹង បណ្តាលឲ្យគៀបជាប់ផ្នែក ខាងមុខរួចក៏កម្លាំងមូលដ្ឋានសុំខាងអន្តរាគមន៍ជួយសង្គ្រោះ ៧១១ ចុះមកជួយ យកតៃកុងរថយន្ត និងអ្នករួមដំណើរ ចេញពីក្នុងរថយន្តរួចបានដឹកយកទៅជួយសង្គ្រោះភ្លាមៗ ។
ក្រោយពេលកើតហេតុសមត្ថកិច្ចមូលដ្ឋាន សហការជាមួយនឹងជំនាញទំនាក់ទំនង ទៅខាងជំនាញចរាចរណ៍ក្រុង ឲ្យចុះមកវាស់វែង និងធ្វើកំណត់ហេតុ យករថយន្តពីរគ្រឿង ទៅរក្សាទុកនៅស្នងការក្រុង រង់ចាំដោះស្រាយនៅពេលក្រោយ៕ដោយ៖ សា មេត
