ភ្នំពេញ៖ ក្រុមការងារអន្តរាគមន៍បង្ក្រាបបទល្មើសចលនាសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម បានស្ទាក់បង្ក្រាបរថយន្តមួយគ្រឿងដែលដឹកសត្វក្រួច ចំនួន៥០កេស ទម្ងន់១,៥តោន ដែលគ្មានច្បាប់អនុញ្ញាតត្រឹមត្រូវ ដឹកពីប្រទេសវៀតណាម ចូលមកកម្ពុជា នៅចំណុចជាតិលេខ៣ ក្នុងភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញ កាលពីម៉ោងជាង១រំលងអធ្រាត្រថ្ងៃទី២០ ខែវិច្ឆិកា ឆ្នាំ២០២០ ។
ក្រុមការងាររអន្តរាគមន៍បង្ក្រាបបទល្មើសចលនាសត្វ បានចុះស្ទាក់ចាប់រថយន្ត១គ្រឿង ម៉ាក HYUNDAI ពណ៌ស ជាប្រភេទរថយន្តដឹកទំនិញចំណុះ៣,៥តោន ពាក់ផ្លាកលេខកំពត 3A-0970 ដឹកសត្វក្រួច ចំនួន៥០កេសស្មើនឹង១.៥០០គីឡូក្រាម ដែលបានដឹកចេញមកពីប្រទេសវៀតណាម ចូលមកប្រទេសកម្ពុជា តាមច្រកព្រែកចាក ខេត្តកំពត ឆ្ពោះទៅចែកចាយនៅរាជធានីភ្នំពេញ ដោយគ្មានលិខិតអនុញ្ញាត ដឹកជញ្ជូនសត្វ ពីក្រសួងកសិកម្ម៕ដោយ៖បញ្ញាស័ក្តិ
