Sunday, February 5, 2023

ថ្ងៃចូលឆ្នាំចិននៅភ្នំពេញ ផ្ទះ​ប្រជាពលរដ្ឋ​ ២​ខ្នង​ស្មើ​នឹង​ ៣៤​បន្ទប់​ ក្នុងភូមិ​គៀន​ឃ្លាំង

spot_img

ភ្នំពេញ​​ ៖​ មាន​ករណីឆេះ​ផ្ទះ​ប្រជាពលរដ្ឋ​អស់​ចំនួន​ ២​ខ្នង​ស្មើ​នឹង​ ៣៤​បន្ទប់​ កាលពី​វេលា​ម៉ោង​ ៤​និង​១០​នាទី​ល្ងាច​ ថ្ងៃ​ទី​១៥​ ខែកុម្ភៈ​ ឆ្នាំ​២០១៨​ ដែល​ស្ថិត​នៅ​តាម​បណ្តោយ​ផ្លូវជាតិ​លេខ​៦​អា​ ក្នុងភូមិ​គៀន​ឃ្លាំង​ សង្កាត់​ជ្រោយចង្វា​ ខណ្ឌ​ជ្រោយចង្វា​ រាជធានី​ភ្នំពេញ​។​ករណី​អគ្គិភ័យ​​នេះ​ គឺ​បណ្តាល​មក​ពី​ការ​ឆ្លង​ចរន្ត​អគ្គី​ស​នី​ ហើយ​អគ្គិភ័យ​នេះ​ ត្រូវ​បាន​សមត្ថកិច្ច​បាញ់​អោយរ​លត់​ និង​បាន​ប្រើប្រាស់​រថយន្ត​ពន្លត់អគ្គីភ័យ​សរុប​ទាំងអស់​ចំនួន​ ២០​គ្រឿង

​ម្ចាស់ផ្ទះ​ជួល​ដែល​ត្រូវ​បាន​អគ្គិភ័យ​ឆាបឆេះ​ផ្ទះ​ឈើ​លើ​ថ្ម​ក្រោម​នោះ​មានឈ្មោះ​ ដាង​ ប៊ុ​ន​ហាក់​ ភេទ​ប្រុស​ និង​ម្ចាស់ផ្ទះ​លក់​ចាប់ហួយ​ឈ្មោះ​ ជាង​ ដាង​យ៉ុ​ប​ ​។​​ មុន​ពេល​កើតហេតុ​ គេ​បានឃើញ​មាន​ផ្សែង​ខ្មួលខ្មាញ់​ចេញពី​បន្ទប់​ឈ្មោះ​ ម៉ៃ​ ហើយ​ថែម​ទាំង​មាន​អណ្តាតភ្លើង​ចេញ​មក​ទៀត​។​ ភ្លាមៗ​នោះ​ ប្រជាពលរដ្ឋ​បាន​ដែល​រស់នៅ​ក្បែរ​កន្លែង​កើតហេតុ​បាន​នាំ​គ្នា​រាយការណ៍​ប្រាប់​ទៅ​សមត្ថកិច្ច​មូលដ្ឋាន​អោយ​ជួយ​អន្តរាគមន៍​។​សមត្ថកិច្ច​ជំនាញ​ផ្នែក​ទប់ស្កាត់​ពន្លត់​បង្កា​ និង​គ្រោះ​អគ្គិភ័យ​ នៃ​ស្នងការដ្ឋាន​នគរបាល​រាជធានី​ភ្នំពេញ​ ចេញ​ជួយ​អន្តរាគមន៍​ទប់ស្កាត់​បាញ់​ពន្លត់​នៅ​ករណី​អគ្គិភ័យ​ដែល​បាន​ឆាបឆេះ​ផ្ទះ​ប្រជាពលរដ្ឋ​ខាងលើ​។​ ​រថយន្ត​ពន្លត់​អគ្គិភ័យ​ចំនួន​ ១២​គ្រឿង​ ដោយនៅ​ក្នុង​ប្រតិបត្តិការ​នេះ​មាន​រថយន្ត​ពន្លត់​អគ្គិភ័យ​របស់​ក្រុមហ៊ុន​ OCIC​ ចំនួន​ ៦​គ្រឿង​ និង​រថយន្ត​ពន្លត់​អគ្គិភ័យ​របស់​ក្រសួងមហាផ្ទៃ​ចំនួន​ ២​គ្រឿង​ ដើម្បី​អន្តរាគមន៍​បាញ់​ទឹក​ពន្លត់​​៕​ ដោយ៖បញ្ញាស័ក្តិ

×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២