សៀមរាប៖ កម្លាំងនគរបាលប្រឆាំងការជួញដូរមនុស្ស និងការពារអនីតិជនខេត្តសៀមរាប បានបញ្ជូនថៅកែហាងលក់គ្រឿងកាឡៃ«យីហោពិភពម៉ូត» ទៅតុលាការ នៅរសៀលថ្ងៃទី២៥ ខែវិច្ឆិកា ឆ្នាំ២០២០នេះ ដើម្បីបន្តនីតិវិធី ពាក់ព័ន្ធករណីចាប់រំលោភសេពសន្ថវៈទាំងបង្ខំលើកូនចៅរបស់ខ្លួនឯងជាអនីតិជនអាយុ១៤ឆ្នាំ។
នគរបាលប្រឆាំងការជួញដូរមនុស្សបានថ្លែងថា ហេតុការណ៍ចាប់រំលោភនោះ បានកើតឡើងកាលពីអំឡុងខែសីហា ឆ្នាំ២០១៩ នៅក្នុងហាងលក់គ្រឿងកាឡៃ«យីហោពិភពម៉ូត» ហើយជនសង្ស័យបានរត់គេចខ្លួនទៅសម្ងំនៅភ្នំពេញ ហើយសមត្ថកិច្ចបានស្រាវជ្រាវចាប់ខ្លួនជនសង្ស័យបានកាលពីរសៀលថ្ងៃទី២៤ ខែវិច្ឆិកា ឆ្នាំ២០២០ យោងតាមពាក្យប្តឹងរបស់ជនរងគ្រោះ និងអនុវត្តតាមដីកាបង្គាប់ឲ្យចាប់ខ្លួនលេខ៨៣៩ច.ខ.ស/ជ របស់សាលាដំបូងខេត្តសៀមរាប។
ជនសង្ស័យឈ្មោះ ហេង សុវណ្ណ ភេទប្រុស អាយុ៣៣ឆ្នាំ ជាថៅកែហាងលក់គ្រឿងកាឡៃ«យីហោពិភពម៉ូត» ដែលមានទីតាំង មុខផ្សារលើធំថ្មី ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប។ ចំណែកក្មេងស្រីរងគ្រោះឈ្មោះ ហ.ថ.រ អាយុ១៤ឆ្នាំ។
ជនរងគ្រោះ បានរៀបរាប់ក្នុងពាក្យប្តឹងថា នៅយប់កើតហេតុ បុគ្គលិកផ្សេងទៀតបានឡើងទៅដេកជាន់ទី២ជាធម្មតា ហើយលោក ថៅកែហាង បានហៅនាងឲ្យមកជួបនៅបន្ទប់របស់គាត់ព្រោះមានការ។ ពេលនាងមកដល់ ថៅកែហាងរូបនេះ ក៏ចាប់ឱបនាងផ្តួលទៅលើឥដ្ឋការ៉ូ បឺតមាត់នាង និងសម្រាតខោនាងហើយរំលោភតែមិនទាន់ស៊ីជម្រៅទេ ដោយនាងរើខ្លាំងពេក ហើយជនសង្ស័យ បានចាប់នាងឱបជាប់ដាក់អង្គុយលើភ្លៅរបស់គាត់ ហើយរំលោភម្តងទៀត «រំលោភពីក្រោយ» បានសម្រេច។ បន្ទាប់ពីកើតហេតុ បងស្រីរបស់ជនសង្ស័យបាននិយាយសុំសម្របសម្រួល តែជនរងគ្រោះមិនព្រម ទើបជនសង្ស័យភ័យខ្លួនរត់គេចខ្លួនបាត់មកសម្ងំលាក់ខ្លួនភ្នំពេញ។
បន្ទាប់ពីទទួលបានដីកាពីតុលាការខេត្តសៀមរាប សមត្ថកិច្ចបានធ្វើការស៊ើបអង្កេតស្រាបជ្រាវ រហូតរកឃើញទីតាំងលាក់ខ្លួនរបស់ជនសង្ស័យ ចាប់ខ្លួនតែម្តង៕ដោយ៖បញ្ញាស័ក្តិ
