របាយការណ៍មួយបានឲ្យដឹងកាលពីថ្ងៃអាទិត្យ (២៩ វិច្ឆិកា)ថា ព្រឹត្តិការណ៍អូឡាំពិកនៅទីក្រុងតូក្យូ ដែលនឹងត្រូវពន្យាពេលដោយសារកូវីដ១៩ អាចនឹងបន្ថែមការចំណាយរហូតដល់ ១,៩ ពាន់លានដុល្លារ ទៅនឹងផែនការដើម ដែលការចំណាយមានត្រឹមតែ ១៣ ពាន់លានដុល្លារ ពោលគឺកើនឡើង ១៥ ភាគរយ។
ដោយដកស្រង់ប្រភពពីសារព័ត៌មាន Yomiuri Shimbun បាននិយាយថា អ្នករៀបចំព្រឹត្តិការណ៍អូឡាំពិកនឹងសម្រេចចិត្តជាផ្លូវការ នូវការបង្កើនថវិកាសម្រាប់ការប្រកួតកីឡានេះនៅពាក់កណ្តាលខែធ្នូ បន្ទាប់ពីមានការប្រាស្រ័យទាក់ទងជាមួយរដ្ឋាភិបាលជប៉ុននិងទីក្រុងម្ចាស់ផ្ទះតូក្យូ។
ការប្រកួតកីឡាអូឡាំពិកឆ្នាំ ២០២០ ត្រូវបានពន្យារហូតដល់១ឆ្នាំ ខណៈពេលការរាតត្បាតវីរុសកូវីដ១៩ បានរីករាលដាលពាសពេញពិភពលោក ហើយឥឡូវនេះ ព្រឹត្តិការណ៍អូឡាំពិកគ្រោងនឹងបើកនៅថ្ងៃទី ២៣ ខែកក្កដាឆ្នាំ ២០២១។ ប៉ុន្តែការពន្យាពេលបានធ្វើឱ្យមានការចំណាយជាថ្មី រាប់ចាប់ពីការកក់កន្លែងស្នាក់នៅនិងការដឹកជញ្ជូន រហូតដល់រក្សាទុកបុគ្គលិកនៃគណៈកម្មាធិការដែលជាអ្នករៀបចំព្រឹត្តិការណ៍ដ៏ធំមួយនេះ។ ដោយមានប្រទេសជាច្រើនជួបប្រទះរលកនៃការឆ្លងវីរុស១៩ លើកទី ២ ឬទី ៣ មានការសង្ស័យអំពីថា តើព្រឹត្តិការណ៍នេះអាចត្រូវបានរៀបចំឡើងដោយរបៀបណា ប៉ុន្តែអ្នករៀបចំនិងមន្ត្រីអូឡាំពិកទទូចថា វាអាចធ្វើទៅបានដោយសុវត្ថិភាព។
ទឹកប្រាក់បន្ថែម ២០០ ពាន់លានយ៉េន (១,៩ ពាន់លានដុល្លារ) លើការប៉ាន់ស្មានមុននៃការឆ្លងវីរុស១៩ គឺ ១,៣៥ ពាន់ពាន់លានយ៉េន (១៣ ពាន់លានដុល្លារ) នឹងចាក់បញ្ចូល បើទោះបីជាអ្នករៀបចំកម្មវិធីកាលពីខែមុនបានកាត់ប្រាក់ចំនួន ២៨០ លានដុល្លារដោយកាត់អ្វីៗទាំងអស់រាប់តាំតពីបុគ្គលិករហូតដល់អ្នកប ច្ចេកទេស ប៉ុន្តែតួលេខថ្មីនេះមិនរាប់បញ្ចូលថ្លៃដើមនៃវិធានការដែលទាក់ទងនឹងជំងឺឆ្លងវីរុសនេះទេ។
ក្រុមមន្ត្រីរំពឹងថាវិធានការណ៍ទាក់ទងនឹងវីរុសនឹងត្រូវចំណាយដោយរដ្ឋាភិបាលជប៉ុន។ ផែនការសម្រាប់ការប្រកួតកីឡាអូឡាំពិកដែលមានតម្លៃទាបនឹងត្រូវបានគេបង្ហាញនៅក្នុងខែកញ្ញា ដោយសំបុត្រឥតគិតថ្លៃតិចជាងមុន ពិធីស្វាគមន៍អត្តពលិកត្រូវបានគេកាត់ចោលនិងសន្សំប្រាក់លើ បដា mascots និងអាហារ។
របាយការណ៍នេះបានធ្វើឡើង បន្ទាប់ពីមន្ត្រីជាន់ខ្ពស់មួយរូបកាលពីថ្ងៃសុក្របាននិយាយថា ព្រឹត្តិការណ៍សាកល្បងអូឡាំពិកទីក្រុងតូក្យូនឹងចាប់ផ្តើមឡើងវិញនៅខែមីនា ហើយការសម្រេចចិត្តលើការចូលរួមរបស់អ្នកគាំទ្រនឹងត្រូវធ្វើឡើងនៅនិទាឃរដូវ។
អ្នករៀបចំនិងមន្ត្រីនានាកំពុងពិចារណាលើបញ្ជីសកម្មភាពនិងវិធានការប្រឆាំងវីរុសកូវីដ១៩ ដែលពួកគេសង្ឃឹមថានឹងអាចធ្វើឱ្យមានលទ្ធភាពរៀបចំព្រឹត្តិការណ៍កីឡាទោះបីជាមិនមានវ៉ាក់សាំងក៏ដោយ។ ប្រធានគណៈកម្មាធិការអូឡាំពិកអន្តរជាតិលោក Thomas Bach កាលពីដើមខែនេះ បាននិយាយថាលោកមានជំនឿចិត្តយ៉ាងខ្លាំងចំពោះការប្រកួតនេះថានឹងមានអ្នកគាំទ្រ។ ប៉ុន្តែភាពរីករាយសម្រាប់ព្រឹត្តិការណ៍កីឡាហាក់ដូចជាបានធ្លាក់ចុះនៅប្រទេសជប៉ុន ដោយការស្ទង់មតិនៅរដូវក្តៅបានរកឃើញថា មានជនជាតិជប៉ុនម្នាក់ក្នុងចំណោម ៤ នាក់ចង់ឃើញព្រឹត្តិការណ៍នេះកើតឡើងហើយភាគច្រើនគាំទ្រទាំងការពន្យារពេលឬលុបចោលទាំងស្រុង។
មន្ត្រីគណៈកម្មាធិការរៀបចំការប្រកួតកីឡាអូឡាំពិកទីក្រុងតូក្យូមិនអាចទាក់ទងសុំការអត្ថាធិប្បាយបានភ្លាមៗទេ៕ ប្រភព៖ AFP
