កាលពីយប់មិញនេះឧកញ៉ា នឹម វណ្ណៈ បានព្រមានឧកញ៉ា អ៊ាន សៀវម៉ី ឱ្យបញ្ឈប់ជាបន្ទាន់រាល់ការនិយាយអ្វីដែលពាក់ព័ន្ធនិងឈ្មោះខ្លួន ពុំដូច្នេះទេលិខិតផ្លូវច្បាប់នឹងរង់ចាំស្វាគមន៍ហើយ។
តាមរយៈគណនីហ្វេសបុកផ្ទាល់របស់ ឧកញ៉ា នឹម វណ្ណៈ បានថ្លែងយ៉ាងដូចច្នេះថា «សារនេះផ្ញើរជូនចំពោះបុគ្គលឈ្មោះ អ៊ាន សៀវមុី ដែលមានងារជាឧកញ៉ានិងគេដែរ។ កន្លងមកខ្ញុំធ្លាប់បានស្គាល់ និងធ្លាប់គិតថាជាមនុស្សដែលអាចរាប់អានបាន។ តែបន្ទាប់ពីស្គាល់បានមួយរយៈកន្លងមកឃើញថា មិនអាចបន្តរាប់អានបានទៀតទេ។ ហើយក៏មិនចង់មានបញ្ហាអ្វីនិងគ្នាដែរ។ តែនៅថ្ងៃនេះ ខ្ញុំបានឮសំលេងអ្នកនិយាយពីឈ្មោះរបស់ខ្ញុំនៅក្នុងការឡាយលើបណ្តាញសង្គមFacebook។
ដូចនេះ សូមបញ្ឈប់ជាបន្ទាន់ រាល់ការនិយាយអ្វីទាំងអស់ដែលមានទាក់ទងនិងឈ្មោះខ្ញុំចាប់ពីវិនាទីនេះតទៅ។បើមិនដូច្នោះទេលិខិតផ្លូវច្បាប់នឹងរង់ចាំស្វាគមន៍ឧកញ៉ា អ៊ាន សៀវមុី ហើយ»។
គួរបញ្ជាក់ថា ការព្រមាននេះបានធ្វើឡើងក្រោយពេល ឧកញ៉ា អ៊ាន សៀវម៉ី ដែលគេស្គាល់ថាជាអ្នកលក់អនឡាញល្បីឈ្មោះនិងមានទ្រព្យហូហៀរបានចេញវីដេអូឡាយចោទជាសំនួរសួរទៅកាន់លោកជំទាវ ហ៊ុន ស៊ីណាត រឿងស៊ែថាឱ្យឧកញ៉ា អ៊ាន សៀវម៉ី ជេរបញ្ជោរគេបែបនេះនាំឱ្យខូចឈ្មោះអ្នកឧកញ៉ាល្អៗឯទៀត ហើយក៏និយាយប៉ះឈ្មោះឧកញ៉ា នឹម វណ្ណៈ តែម្តង៕ ដោយ៖ កូលាប ក្រហម