ខេត្តកំពត៖ ថ្ងៃពុធ ទី២ ខែធ្នូ ឆ្នាំ២០២០ តុលាការបានសម្រេចផ្តន្ទាទោសជនបរទេស ០១នាក់ឈ្មោះ Tapia TiTo Juvenal ភេទប្រុស សញ្ជាតិប៉េរ៉ូ (ពុំមានលិខិតឆ្លងដែនជាប់ខ្លួន) អាយុ ៣៧ឆ្នាំ ពីបទ (លួច) នៅចំណុចកាស៊ីណូវីម៉ាន់ ស្ថិតនៅភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត ។
បើតាមផែនការងារអន្តោប្រវេសន៍ ខេត្តកំពត បានបញ្ជាក់ថា យោងតាមបណ្ដឹងឈ្មោះ សុខ រិត ជាមេការនៅកាស៊ីណូ បានបញ្ជាក់ថា ជនបរទេសខាងលើនេះ បានចូលមកលេងកាស៊ីណូនៅថ្ងៃទី ១៥ និង ១៦ម្ដងរួចមកហើយដោយយកកូនសោចាក់ទូររ៉ូឡែត (កែច្នៃប្រព័ន្ធបញ្ជា) ពោលគឺមានចេតនាលេងបន្លំបណ្តាលឲ្យកាស៊ីណូខាតបង់ប្រាក់អស់ចំនួន ៥,៥០០ដុល្លារ (ប្រាំពាន់ប្រាំរយដុល្លារ) ។ រហូតដល់ថ្ងៃទី៣០ ខែវិច្ឆិកា ឆ្នាំ២០២០ វេលាម៉ោង១៧និង១០នាទី ជនបរទេសរូបនោះបានមកលេងម្តងទៀត ហើយយកសោរមកចាក់ទូររ៉ូឡែត ដូចមុនតែត្រូវបុគ្គលិកនៅកាស៊ីណូចាប់ជាប់ក៏បានប្រគល់អោយសម្ថកិច្ចតែម្តង ។
ដោយមានការឯកភាពពីលោកឧត្តមសេនីយ៍ទោ ស្នងការ និងលោកព្រះរាជអាជ្ញារង ខា ដាណា អមសាលាដំបូងខេត្តកំពត កម្លាំងការិយាល័យស៊ើបអង្គេត និងអនុវត្តនីតិវិធី បានឃាត់ខ្លួនជនបរទេសខាងលើដើម្បីកសាងសំណុំរឿងបញ្ជូនទៅតុលាការ ។
បច្ចុប្បន្នជនបរទេសខាងលើត្រូវបានបញ្ជូនទៅកាន់ពន្ធធនាគារខេត្តកំពតដើម្បីឃុំខ្លួន ៕ដោយ៖បញ្ញាស័ក្តិ
