បន្ទាយមានជ័យ៖ ជនសង្ស័យ១ក្រុម ចេញធ្វើសកម្មភាពលួចម៉ូតូ ក្នុងទីក្រុងប៉ោយប៉ែត ត្រូវកម្លាំងសមត្ថកិច្ចនគរបាលក្រុងប៉ោយប៉ែតចុះបង្ក្រាបដោយចាប់ឃាត់ខ្លួនជនសង្ស័យ៦នាក់ និងដកហូតម៉ូតូបាន៥គ្រឿង កាលពីរសៀលថ្ងៃទី៦ ខែធ្នូ ឆ្នាំ២០២០ នៅក្នុងប៉ោយប៉ែត ដោយយោងតាមពាក្យបណ្ដឹងជនរងគ្រោះដែលបាត់ម៉ូតូ។
លោកសៅ សារឿន អធិការនគរបាលក្រុងប៉ោយប៉ែត បានប្រាប់ឲ្យដឹងថា យោងតាមពាក្យបណ្ដឹងជនរងគ្រោះដែលបាត់ម៉ូតូមាន ឈ្មោះគឹម ណាវី ភេទស្រីអាយុ៣៧ឆ្នាំមុខរបរ លក់ដូរ មានទីលំនៅភូមិក្បាលស្ពាន១ សង្កាត់ក្រុងប៉ោយប៉ែតបាត់ ម៉ូតូ១គ្រឿងម៉ាកស៊ូម័រអិចព៍ណសក្រហមស្លាកលេខបន្ទាយមានជ័យ 1T៨៤៥៥ នៅចំណុចភូមិក្បាលស្ពាន១ ឈ្លោះ របស់សំ សុជា ភេទប្រុស អាយុ២៧ ឆ្នាបាត់ម៉ូតូហុងដាទ្រីមព័ណខ្មៅស្លាកលេខបន្ទាយមានជ័យ១N១៨៨៤ ឈ្មោះហាក់ ឆ័ងហ៊ុយ ភេទប្រុសអាយុ២៣ឆ្នាំ ជនជាតិខ្មែរ បាត់ម៉ូតូម៉ាកវេវពណ៌ខ្មៅ បិតស្កុតព៍ណទឹកបិច ។
លោកសៅ សារឿនបញ្ជាក់ឲ្យដឹងបន្តទៀតថា ក្រោយពីបានទទួលពាក្យបណ្តឹងហើយ និងតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានឲ្យលោកឧត្តមសេនីយ៍ត្រី នូ ជីវ័ន្ត ស្នងការរងផែនព្រហ្មទណ្ឌនិងជំនាញក្រុងប៉ោយប៉ែត បានដឹកនាំកម្លាំងនគរបាល១ក្រុម ចុះធ្វើការស្រាវជ្រាវឈានដល់ឃាត់ខ្លួនជនសង្ស័យបានចំនួន៦នាក់ គឺ១ រឿន ពិសិទ្ធ ភេទប្រុស អាយុ២៥ឆ្នាំ ២ ឈ្មោះម៉ៅ មករា ហៅអារាមីន ភេទប្រុស អាយុ១៦ឆ្នាំ ៣ ឈ្មោះ តឿន ពាង ហៅម៉ឺន ហៅរើន ភេទប្រុសអាយុ១៦ឆ្នាំ ៤ ឈ្មោះកាន រ៉ង ភេទប្រុស អាយុ១៦ឆ្នាំ ៥ ឈ្មោះហេង ចាន់ថា ភេទប្រុស អាយុ២៨ឆ្នាំ និង៦ ឈ្មោះវឿ សូវៀត ភេទប្រុស អាយុ២៦ឆ្នាំ ។ ទាំង៦នាក់រួមមាន ចោរលួចហើយមានអ្នកចាំទទួលទិញ និងយកទៅកែច្នៃ នៅក្នុងប៉ោយប៉ែត ក្នុងនោះសមត្ថកិច្ចបានដកហូតម៉ូតូចម្រុះបានចំនួន៥គ្រឿង ប្រគល់ជូនម្ចាស់ដើមវិញ។
ជនសង្ស័យ ទាំង៦នាក់ បានឆ្លើយថា បក្ខពួករបស់ខ្លួន បានសហការគ្នាមានអ្នកចេញលួច មានអ្នកចាំទទួលទិញ និងមានអ្នកយកមកកែច្នៃយកទៅលក់។ សង្ស័យទាំង៦នាក់ បានបញ្ជូនមកស្នងការ និងរៀបចំឯកសារបញ្ជូនទៅតុលាការអនុវត្តតាមច្បាប់៕រក្សាសិទ្ធិដោយ ៖ បញ្ញាស័ក្តិ
