ភ្នំពេញៈ តុលាការបានសម្រេចឃុំខ្លួនស្ត្រីជនជាតិថៃ ជួញដូរគ្រឿងញៀនឆ្លងដែនចូលពីថៃមកកម្ពុជា ៣០ គីឡូក្រាម។ ការសម្រេចឃុំខ្លួនដាក់ពន្ធនាគារនេះ គឺដោយលោកស្រី ហុង ទិត្យមល្លិកា ចៅក្រមស៊ើបសួរសាលាដំបូងខេត្តបាត់ដំបង កាលពីរសៀលថ្ងៃទី៦ ខែធ្នូ ឆ្នាំ២០២០។
ស្ត្រីជនជាតិឈ្មោះ ផាន់ភុំ រតនា(PHANPHOM RATTANA) ភេទស្រី កើត ១៩/០៩/១៩៨៩ ជនជាតិ ថៃ មានទីលំនៅឃុះណងប៊ុន ស្រុកបរៃ ខេត្តត្រាត ប្រទេសថៃ កាន់លិខិតឆ្លងដែនលេខ AB 42743737 ។
កាលពីថ្ងៃទី ០៥ ខែធ្នូ ឆ្នាំ ២០២០ នៅវេលាម៉ោង ០១:៤៧នាទី កម្លាំងជំនាញនៃមន្ទីរប្រឆាំងបទល្មើសគ្រឿងញៀន(ក៥) ដឹកនាំកិច្ចប្រតិបត្តិការនេះផ្ទាល់ដោយលោក ឧត្តមសេនីយ៍ទោ សាន សុទ្ធ និងលោកឧត្តមសេនីយ៍ត្រី គឹម តូ នាយករងមន្ទីរ ចូលរួមសហការពីកម្លាំងនៃស្នងការដ្ឋាននគរបាលខេត្តបាត់ដំបង និងដឹកនាំសម្របសម្រួលដោយ ឯកឧត្តម គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង បានស្រាវជ្រាវ បង្ក្រាបករណីជួញដូរគ្រឿងញៀនឆ្លងដែនចូលពីថៃមកកម្ពុជា នៅចំណុចច្រកអន្តរជាតិដូង ភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង លទ្ធផលដូចខាងក្រោម ៖
ក-ឃាត់ខ្លួនជនសង្ស័យ ០១នាក់៖ឈ្មោះ ផាន់ភុំ រតនា(PHANPHOM RATTANA) ភេទស្រី កើត ១៩/០៩/១៩៨៩ ជនជាតិ ថៃ មានទីលំនៅឃុះណងប៊ុន ស្រុកបរៃ ខេត្តត្រាត ប្រទេសថៃ កាន់លិខិតឆ្លងដែនលេខ AB 42743737 ។
ខ-វត្ថតាងចាប់យក៖គ្រឿញៀនប្រភេទមេតំហ្វេតាមីន(ICE) ២៩គ.ក្រ ៨៥៧,០២ ក្រាម។
ទូរស័ព្ទ ២ គ្រឿង លិខិតឆ្លងដែន ១ក្បាល និងសៀវភៅធនាគារ ២ក្បាល
បច្ចុប្បន្ន ជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញយើងបានកសាងសំណុំ រឿងបញ្ជូនទៅសាលាដំបូងខេត្តបាត់ដំបងបន្តតាមនីតិវិធី ៕ រក្សាសិទ្ធិដោយ ៖ CEN