បាត់ដំបង៖កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរសម្នាក់និងស្រីម្នាក់ ជួញដូរគ្រឿងញៀននិងថ្នាំម៉ាទឹកកក៣២ថង់ ថ្នាំយ៉ាម៉ា៤គ្រាប់ ម៉ូតូមួយគ្រឿង កសាងសំណុំរឿងបញ្ជូនទៅតុលាការ នៅថ្ងៃទី១១ ខែធ្នូ ឆ្នាំ២០២០។
លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ២នាក់ ដែលចាប់ឃាត់ខ្លួនឈ្មោះសាន បានភេទប្រុសអាយុ១៧ឆ្នាំ មានទីលំភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង និងឈ្មោះកាន់ លំអងហៅម៉ារីភេទស្រី អាយុ៣២ឆ្នាំ មានទីលំភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក៣២ថង់ ថ្នាំយ៉ាម៉ា៤គ្រាប់ ម៉ូតូមួយគ្រឿង ទូរស័ព្ទមួយគ្រឿង ហើយចាប់ឃាត់ខ្លួនកាលពីម៉ោង១៤និង៤៥នាទីថ្ងៃទី១០ ខែធ្នូ ឆ្នាំ២០២០ នៅចំណុចក្រុមទី០៦ ភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសក្រុង ចុះបង្ក្រាបបានករណីរនេះ ហើយចាប់ឃាត់ខ្លួនជនសង្ស័យ២នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿង បញ្ជូនជនសង្ស័យនិងវត្ថុតាង ទៅតុលាការ ដើម្បីចាត់ការទៅតាមផ្លូវច្បាប់៕រក្សាសិទ្ធិដោយ ៖ អ៊ុងសារុំ
