ការនាំចេញកៅស៊ូរបស់កម្ពុជារំពឹងថានឹងកើនឡើងដល់ ៣៤ ម៉ឺនតោននៅចុងឆ្នាំនេះ។ នេះបើយោងតាមមន្ត្រីជាន់ខ្ពស់មកពីអគ្គនាយកដ្ឋានកៅស៊ូនៃក្រសួងកសិកម្ម។
អគ្គនាយកនៃអគ្គនាយកកៅស៊ូ លោក ប៉ុល សុផា បានកត់សម្គាល់ថា ការនាំចេញកៅស៊ូគឺកើនឡើងបើធៀបនឹងការនាំចេញកាលពីឆ្នាំមុនដែលមានតែ ២៨០,០០០ តោន។ លោកថាអត្រាកំណើននៃការនាំចេញកៅស៊ូរំពឹងថានឹងកើនឡើងរហូតដល់ឆ្នាំ ២០២៤ ។
លោកបន្តថា ការកើនឡើងនៃការនាំចេញនិងស្ថិតក្នុងចន្លោះពី ៣០,០០០ និង ៤០,០០០ តោនក្នុងមួយឆ្នាំពីព្រោះដើមឈើកៅស៊ូមួយចំនួនដើមចាស់ដែលមិនអាចឈានទៅរកការជៀរជ័របន្តទៀតបាន។
ម្យ៉ាងវិញទៀត ផ្ទៃដីដាំដុះនិងត្រូវបានកាត់បន្ថយផងដែរ។ លោកសុផាបានបន្ថែមទៀតថា វាត្រូវការពេល ៦ ឆ្នាំដើម្បីដាំកៅស៊ូ និងអាចជៀរជ័របាន។
លោកបានមានប្រសាសន៍ថា“ បច្ចុប្បន្នផ្ទៃដីដាំកៅស៊ូជាង ៤១០.០០០ ហិកតា [នៅក្នុងប្រទេសនេះ] កំពុងដាំដុះហើយក្នុងនោះមានផ្ទៃដីកៅស៊ូប្រមាណ ២៩០.០០០ ហិកតាអាចប្រមូលជ័របាន។ ប្រទេសកម្ពុជាបានបញ្ជូនប្រមាណ ៦០ ភាគរយនៃផលិតផលកៅស៊ូរបស់ខ្លួនទៅកាន់ប្រទេសវៀតណាម ហើយមួយចំនួនទៀត នាំចេញទៅប្រទេសចិន ម៉ាឡេស៊ីសិង្ហបុរីនិងអឺរ៉ុប៕
រក្សាសិទ្ធិដោយ៖CEN
