ព្រះសីហនុ ៖ មានករណីប៉ះទង្គិចគ្នា មានអ្នករបួស រវាងប្រជាពលរដ្ឋ និងក្រុមឧកញ៉ា ភឺន ផល្លា នៅស្រុកព្រៃនប់ និងខ្មាន់អាវុធ មិនទាន់ស្គាល់អត្តសញ្ញាណ ហើយត្រូវបានប្រជាពលរដ្ឋឡោមព័ទ្ធ ក្នុងតំបន់នោះ នៅវេលារសៀល ថ្ងៃទី២០ ខែធ្នូ ឆ្នាំ២០២០នៅភូមិអូរឧញ៉ាហេង ស្រុកព្រៃនប់ ខេត្តព្រះសីហនុ។
ភាគីខាងពលរដ្ឋ បានអះអាងថា ខ្មាន់កាំភ្លើងខាងក្រុមឧកញ៉ាមួយរូប ហើយប្រជាពលរដ្ឋក៏បានឡោមព័ទ្ធកាក់ទុករថយន្តមួយគ្រឿងរបស់ជនសង្ស័យមិនឱ្យទៅមុខ ហើយសមត្ថកិច្ចបានចេញមុខជួយសម្របសម្រួល។ ក្នុងករណីនេះ ពលរដ្ឋបានអះអាងថា ក្រុមឧកញ៉ា បានទៅរំលោភយកដីធ្លីរបស់ពួកគេដែលបានរស់នៅច្រើនឆ្នាំមកហើយ បន្ទាប់មកប្រជាពលរដ្ឋច្រើននាក់បាននាំគ្នាតវ៉ារហូតដល់មានការផ្ទុះអាវុធនេះ។
លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឱ្យដឹងថា ពិតជាមានករណីនេះកើតឡើងប្រាកដមែន ហើយអាជ្ញាធរ និងសមត្ថកិច្ចកំពុងធ្វើរបាយការណ៍អំពីករណីនេះ និងមិនទាន់អាចបញ្ជាក់ព័ត៌មានលម្អិតនៅឡើយ៕រក្សាសិទ្ធិដោយ៖បញ្ញាស័ក្តិ
