ភ្នំពេញ៖អូស្ត្រាលីកំពុងគាំទ្រក្រសួងរ៉ែនិងថាមពល Ministry of Mines and Energy Cambodia ដើម្បីអភិវឌ្ឍយុទ្ធសាស្ត្រថាមពលកកើតឡើងវិញនៅកម្ពុជា និងផ្តល់ថវិកាមួយផ្នែកដល់ផែនការអភិវឌ្ឍថាមពលរបស់ប្រទេសកម្ពុជា
ស្ថានទូតអូស្ត្រាលីប្រចាំកម្ពុជានៅថ្ងៃទី22 ខែធ្នូឆ្នាំ ២ឥ២០ នេះចេញរបាយការណ៍មួយពីកិច្ចពិភាក្សាគោលនយោបាយមេគង្គ-អូស្ត្រាលី លើកទី ២ ស្តីពីថាមពលនិងអគ្គិសនី នាពេលអនាគត ។
នៅថ្ងៃទី១៥ ខែធ្នូ ឆ្នាំ២០២០ អូស្ត្រាលីនិងថៃ បានធ្វើជាសហម្ចាស់ផ្ទះ រៀបចំកិច្ចពិភាក្សាគោលនយោបាយមេគង្គ-អូស្ត្រាលីលើកទី ២ ស្តីពីថាមពលនិងអគ្គិសនីនាពេលអនាគត។ កិច្ចពិភាក្សានេះ បានផ្តោតលើរបៀបដែលបណ្តាប្រទេសនៅតំបន់មេគង្គ អាចធ្វើការជាមួយគ្នាដើម្បីសម្រេចបានគោលដៅអភិវឌ្ឍន៍ប្រកបដោយចីរភាព លេខ៧ គឺការធានាបាននូវលទ្ធភាពទទួលបានថាមពលដែលមានតំលៃសមរម្យ អាចទុកចិត្តបាន មាននិរន្តរភាព និងមានភាពទំនើប សម្រាប់មនុស្សទាំងអស់គ្នា។ ជាផ្នែកមួយនៃកិច្ចពិភាក្សានេះ ឯកអគ្គរាជទូត Pablo Kang បានរៀបចំការប្រជុំតុមូល តាមអ៊ីនធឺណេត ជាមួយឯកឧត្តម កែវ រតនៈ រដ្ឋមន្ដ្រីប្រតិភូអមនាយករដ្ឋមន្ដ្រី និងជានាយកគ្រប់គ្រងអគ្គិសនីកម្ពុជា សហការីមកពីរាជរដ្ឋាភិបាលកម្ពុជា ព្រមទាំងដៃគូអភិវឌ្ឍន៍នានា ស្តីពីការផ្លាស់ប្តូរថាមពលស្អាតរបស់កម្ពុជា ដោយក្រឡេកមើលអត្ថប្រយោជន៍ និងបញ្ហាប្រឈមនៃការបញ្ចូលថាមពលកកើតឡើងវិញ ដែលមានលក្ខណៈប្រែប្រួល (រាប់បញ្ចូលទាំងខ្យល់និងព្រះអាទិត្យ) ចូលទៅក្នុងបណ្តាញអគ្គិសនីរបស់ប្រទេសកម្ពុជា។
អូស្ត្រាលីកំពុងគាំទ្រក្រសួងរ៉ែនិងថាមពល Ministry of Mines and Energy Cambodia ដើម្បីអភិវឌ្ឍយុទ្ធសាស្ត្រថាមពលកកើតឡើងវិញនៅកម្ពុជា និងផ្តល់ថវិកាមួយផ្នែកដល់ផែនការអភិវឌ្ឍថាមពលរបស់ប្រទេសកម្ពុជា ជាមួយធនាគារអភិវឌ្ឍន៍អាស៊ី ដើម្បីជួយដល់ផែនការអគ្គិសនីដល់ឆ្នាំ២០៤០។ អូស្ត្រាលីមានមោទនភាពក្នុងការគាំទ្រដល់អនាគតថាមពលកាន់តែស្អាត និងមិនប៉ះពាល់ដល់បរិស្ថាន របស់កម្ពុជា៕ រក្សាសិទ្ធិដោយ៖បញ្ញាស័ក្តិ
